- 2019-06-22 01:01:00
- សេដ្ឋកិច្ច
ប្រទេសមួយនៅអាស៊ី បង្កើតច្បាប់កំណត់ចំនួនភ្ញៀវស៊ីការមិនឲ្យលើសពី១៥តុ
- 2019-06-22 01:01:00
- ចំនួនមតិ 0 | ចំនួនចែករំលែក 0
ប្រទេសមួយនៅអាស៊ី បង្កើតច្បាប់កំណត់ចំនួនភ្ញៀវស៊ីការមិនឲ្យលើសពី១៥តុ
ចន្លោះមិនឃើញ
រដ្ឋាភិបាល អ៊ូបេគីស្ថាន បានបង្កើតច្បាប់ដ៏រឹតត្បិតមួយកាលពីឆ្នាំ២០១៨ ដើម្បីកំណត់ចំនួនភ្ញៀវ ធ្វើយ៉ាងណាឲ្យឲ្យមង្គលការតូច ម្ហូបតិច។
ច្បាប់ដែលចែងជាអាទិ៍៖ កំណត់ឲ្យម្ចាស់ដើមការហៅភ្ញៀវច្រើនបំផុតត្រឹម ១៥០ នាក់ មិនឲ្យជួលតារាចម្រៀងច្រើន ហើយនិង មិនឲ្យជួលឡានកូនកំលោះកូនក្រមុំព្រោងព្រាតជាដើម។ ។
ច្បាប់ដ៏ចម្រូងចម្រាសសម្រាប់ប្រទេសក្នុងតំបន់អាស៊ីមួយនេះ ត្រូវបានបង្កើតឡើងនៅពេលលោកប្រធានាធិបតី Shavkat Mirziyoyev បានរិះគន់ថាការចំណាយ "មិនចេះអៀនខ្មាស" ដើម្បីប្រារព្ធពិធីអាពាហ៍ពិពាហ៍ ដែលគ្រួសារខ្លះធ្វើហួសលទ្ធភាព។
BBC បានរាយការណ៍ថា ក្នុងប្រទេសអ៊ូបេគីស្ថាន ពិធីមង្គលការមួយត្រូវចំណាយប្រហែល ២០ ០០០ ដុល្លារ (២ម៉ឺនដុល្លារ) ហើយគ្រួសារភាគច្រើនមានកូន ៣នាក់ ខណៈដែលចំណូលប្រចាំខែរបស់ប្រជាជនប្រទេសនេះរកបានចន្លោះប្រហែល ១០០ ទៅ ៣០០ ដុល្លារប៉ុណ្ណោះ។
មុនពេលច្បាប់រឹតត្បិតនេះត្រូវបានបង្កើតឡើង កម្មវិធីមង្គលការមួយរោងៗ មានភ្ញៀវចូលរួមចន្លោះពី ៤០០ នាក់ ឬ ៤០តុ ដែលវាគឺជារឿងទូទៅទៅហើយនៅក្នុងប្រទេសក្រីក្រមួយនេះ បើទោះជាប្រជាជនប្រមាណ ១៣% រស់នៅក្រោមបន្ទាត់នៃភាពក្រីក្រយ៉ាងណាក្តី៕
