- 2019-07-23 02:17:27
- ចរាចរណ៍
មន្ត្រីជំនាញកំពុងសិក្សាផ្លូវដែកមួយខ្សែក្នុងរាជធានីភ្នំពេញប្រវែងជាង១៨គីឡូម៉ែត្រ
- 2019-07-23 02:17:27
- ចំនួនមតិ 0 | ចំនួនចែករំលែក 0
មន្ត្រីជំនាញកំពុងសិក្សាផ្លូវដែកមួយខ្សែក្នុងរាជធានីភ្នំពេញប្រវែងជាង១៨គីឡូម៉ែត្រ
ចន្លោះមិនឃើញ
មន្ត្រីជំនាញកំពុងសិក្សាគម្រោងផ្លូវរថភ្លើងក្នុងរាជធានីភ្នំពេញមួយខ្សែមានប្រវែងជាង១៨គីឡូម៉ែត្រ ដែលត្រូវរត់តាមផ្លូវ និងកំណាត់ផ្លូវសំខាន់ៗមួយចំនួនផងដែរ។
នៅក្រសួងបរិស្ថានកាលពីម្សិលមិញ ឯកឧត្តម សូ ខនឬទ្ធីគុណ រដ្ឋលេខាធិការក្រសួងបរិស្ថាន បានដឹកនាំកិច្ចប្រជុំអន្តរក្រសួង ស្តីពីការពិនិត្យ និងផ្តល់យោបល់លើរបាយការណ៍វាយតម្លៃហេតុប៉ះពាល់ បរិស្ថាន និងសង្គមពេញលេញ(ESIA) សម្រាប់គម្រោងអភិវឌ្ឍន៍ផ្លូវដែកក្នុងរាជធានីភ្នំពេញប្រវែង ១៨ ៩៨៥ម៉ែត្រ។ នេះបើតាមការផ្សាយនៅលើទំព័រហ្វេសប៊ុកក្រសួងបរិស្ថានកាលពីយប់មិញ។
ប្រភពបន្តថាក្រសួងសាធារណការ និងដឹកជញ្ជូនជាម្ចាស់គម្រោង ហើយមានការសិក្សាគម្រោងដោយក្រុមហ៊ុន នីប៉ុង កូអេ ខូ អិលធីឌី និងសិក្សាវាយតម្លៃដោយក្រុមហ៊ុនទីប្រឹក្សា PPIC Co., Ltd.។
ប្រភពខាងលើឲ្យដឹងថាផ្លូវដែកមួយខ្សែនេះមានទីតាំងស្ថិតនៅតាមបណ្តោយមហាវិថីហ្សាដឺហ្គោល មហាវិថីសម្តេចមុនីរ៉េត កំណាត់មហាវិថីសហព័ន្ធរុស្សី ផ្លូវវេងស្រេង កំណាត់ផ្លូវជាតិលេខ៤ និងកំណាត់ផ្លូវទំនប់កប់ស្រូវ រាជធានីភ្នំពេញ។
បន្ទាប់ពិនិត្យ និងពិភាក្សារួចមកឯកឧត្តម សូ ខនឬទ្ធីគុណ បានគាំទ្រ និងសាទរចំពោះម្រោងអភិវឌ្ឍន៍នេះ ដោយថាគម្រោងនេះចូលរួមចំណែកអភិវឌ្ឍន៍ទំនើបកម្ម ទីក្រុង និងកាត់បន្ថយការស្ទះចរាចរណ៍នៅក្នុងរាជធានីភ្នំពេញ៕