- 2019-09-08 09:30:10
- សេដ្ឋកិច្ច
ផ្សារសត្វចិញ្ចឹមដំបូងគេនៅវិហារសួគ៌ មានការប្រកួតគោ ហើយថ្ងៃមុខអាចប្រកួតជ្រូក ឆ្កែ...
- 2019-09-08 09:30:10
- ចំនួនមតិ 0 | ចំនួនចែករំលែក 0
ផ្សារសត្វចិញ្ចឹមដំបូងគេនៅវិហារសួគ៌ មានការប្រកួតគោ ហើយថ្ងៃមុខអាចប្រកួតជ្រូក ឆ្កែ...
ចន្លោះមិនឃើញ
កាលពីថ្ងៃទី៧ខែកញ្ញាឆ្នាំ ២០១៩កន្លងទៅនេះ ផ្សារសត្វចិញ្ចឹមនៅតំបន់7NG វិហារសួគ៌បានបើកសម្ពោធជាផ្លូវការហើយ ដើម្បីភាពងាយស្រួលដល់អ្នកស្រលាញ់សត្វអាចទិញ ដូរ សត្វដែលពួកគេស្រលាញ់បាន។
លោកឧកញ៉ា ស្រី ចាន់ធូ បាននិយាយក្នុងថ្ងៃបើកសម្ពោធនោះថាផ្សារសត្វចិញ្ចឹមនេះ គឺបង្កើតឡើងដើម្បីជួយសម្រួលដល់អ្នកស្រលាញ់សត្វ អាចយកសត្វជាទីស្រលាញ់របស់ពួកគេមកប្រកួតប្រជែងលើទីផ្សារនេះបាន។ នៅថ្ងៃបើកសម្ពោធនេះ ក្រុមការងារបានតាំងបង្ហាញសត្វគោ ជាច្រើនប្រភេទ ដោយសុទ្ធសឹងតែនាំមកពីបរទេស និងមានពូជបង្កាត់ក្នុងស្រុកផងដែរ។
ពូជគោដែលបានបង្ហាញមានពូជគោចិញ្ចឹមយកទឹកដោះ និងគោចិញ្ចឹមដើម្បីកាប់សាច់ផងដែរ។ គោចិញ្ចឹមយកសាច់ប្រភេទប្រាម៉ាន់ជាពូជគោធំ អាចមានទម្ងន់ដល់ទៅជាង១តោនឯណោះ បើធៀបជាមួយគោធម្មតាខុសគ្នាច្រើនមែនទែន។
សម្រាប់លើកនេះ មានតែការតាំងបង្ហាញគោមួយមុខប៉ុណ្ណោះ ប៉ុន្តែលើកក្រោយគ្នាទីផ្សារសត្វចិញ្ចឹមនេះ នឹងធ្វើឱ្យកាន់តែធំថែមទៀត ដោយមានការប្រកួតសត្វជ្រូក ឆ្កែ និងពពែជាដើម។ នៅថ្ងៃដំបូងនៃការទីផ្សារនេះដែរ ក៏មានអ្នកបានទិញពូជគោយកទៅចិញ្ចឹមច្រើនណាស់ដែរ៕