- 2019-12-11 10:47:06
- សេដ្ឋកិច្ច
ផ្លូវកាត់សម្រាប់អ្នកនៅកំបូល និងពោធិ៍សែនជ័យ ទៅ AEON 2 ធ្វើរួចរាល់ ៨០%ហើយ
- 2019-12-11 10:47:06
- ចំនួនមតិ 0 | ចំនួនចែករំលែក 0
ផ្លូវកាត់សម្រាប់អ្នកនៅកំបូល និងពោធិ៍សែនជ័យ ទៅ AEON 2 ធ្វើរួចរាល់ ៨០%ហើយ
ចន្លោះមិនឃើញ
ការជួសជុល និងស្ថាបនាផ្លូវ ៩២ ភ្ជាប់ដល់ផ្លូវ ១០៥K នៅពេលនេះសម្រេចបានប្រហែល ៨០% ហើយ នៅសល់ចម្ងាយ ២០០-៣០០ម៉ែត្រទៀតប៉ុណ្ណោះបានធ្វើដំណើរស្រួលហើយ។
បើតាមការឲ្យដឹងពីកញ្ញា ជា សុភារុណ តំណាងបុរីភ្នំពេញថ្មី លើកឡើងថា នៅពេលនេះជាងរបស់បុរីកំពុងតែដុតដៃដុតជើងក្នុងការជួសជុលក៏ដូចជាស្ថាបនាផ្លូវ ៩២ នេះឲ្យបានឆាប់រួចរាល់ដើម្បីផ្ដល់ភាពងាយស្រួលដល់ប្រជាពលរដ្ឋធ្វើដំណើរ។ តំណាងបុរីខាងលើនេះបន្តទៀតថា នៅពេលដែលវិស្វករចាកបេតុងរួចរាល់ហើយនោះ គឺមានការដាំដើមឈើអមផ្លូវ និងដាក់ថ្មអមទប់បេតុងផ្លូវនេះថែមទៀតផង។
ចំពោះផ្លូវ ៩២ ដែលកំពុងស្ថាបនានេះ គឺមានទទឹង២០ម៉ែត្រ កម្រាស់ ២តឹក និងមានដាក់លូទំហំ១ម៉ែត្រតាមបណ្ដោយផ្លូវថែមទៀតផង។ ផ្លូវនេះគឺនៅពីមុខគម្រោងបុរីភ្នំពេញថ្មី អេលីតផាកទី១ និងអេលីតផាកទី២ ស្ថិតនៅក្នុងសង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ ហើយចំពោះការចំណាយលើការស្ថាបនានេះប្រហែលជិត ២លានដុល្លារ៕