- 2021-05-04 08:22:59
- ព័ត៌មាន
ក្នុងរយៈពេលត្រឹមតែ ៩៩ថ្ងៃ ទីប្រឹក្សាធានារ៉ាប់រងឆ្នើមមួយរូបរបស់ក្រុមហ៊ុន មេនូឡាយហ្វ៍ ខេមបូឌា បានក្លាយជាសមាជិកសមាគមលំដាប់ពិភពលោក កម្រិត MDRT ឆ្នាំ២០២២
- 2021-05-04 08:22:59
- ចំនួនមតិ 0 | ចំនួនចែករំលែក 0
ក្នុងរយៈពេលត្រឹមតែ ៩៩ថ្ងៃ ទីប្រឹក្សាធានារ៉ាប់រងឆ្នើមមួយរូបរបស់ក្រុមហ៊ុន មេនូឡាយហ្វ៍ ខេមបូឌា បានក្លាយជាសមាជិកសមាគមលំដាប់ពិភពលោក កម្រិត MDRT ឆ្នាំ២០២២
ចន្លោះមិនឃើញ
នៅថ្ងៃទី ០៩ ខែមីនា ឆ្នាំ ២០២១ នេះ អ្នកស្រី គី រស្មី ទីប្រឹក្សាធានារ៉ាប់រងឆ្នើម បានក្លាយជាសមាជិកលំដាប់ពិភពលោក Million Dollar Round Table (MDRT) ដំបូងគេបង្អស់ប្រចាំក្រុមហ៊ុន មេនូឡាយហ្វ៍ ខេមបូឌា ដោយចំណាយរយៈពេលត្រឹមតែ ៩៩ ថ្ងៃតែប៉ុណ្ណោះ។ ក្រុមហ៊ុន មេនូឡាយហ្វ៍ ពិតជាមានមោទនភាពយ៉ាងខ្លាំងចំពោះសមិទ្ធផលដ៏អស្ចារ្យថ្មីមួយនេះដែលអ្នកស្រី គី រស្មី បានបង្កើតភាពជោគជ័យសម្រាប់ខ្លួនឯងផ្ទាល់ សម្រាប់ក្រុមហ៊ុន ក៏ដូចជាសម្រាប់វិស័យធានារ៉ាប់រងអាយុជីវិតនៅកម្ពុជាផងដែរ។ នេះក៏បានសបញ្ជាក់ពីការខិតខំប្រឹងប្រែង និងការតាំងចិត្តដ៏មុតមាំរបស់ទីប្រឹក្សាធានារ៉ាប់រងរបស់ក្រុមហ៊ុន មេនូឡាយហ្វ៍ ក្នុងការការពារអនាគតហិរញ្ញវត្ថុជូនក្រុមគ្រួសារកម្ពុជា មិនថាក្នុងកាលៈទេសៈណាក៏ដោយ។
អ្នកស្រី គី រស្មី បានឲ្យដឹងថា អ្នកស្រីនៅតែបន្តពង្រឹងសមត្ថិភាព និងជំនាញរបស់ខ្លួនក្នុងការផ្តល់ប្រឹក្សាយោបល់ប្រកបដោយវិជ្ជាជីវៈទាក់ទងនឹងដំណោះស្រាយការពារអនាគតហិរញ្ញវត្ថុដែលឆ្លើយតបទៅនឹងតម្រូវការប្រជាជនកម្ពុជាឲ្យបានកាន់តែច្រើនថែមទៀត ដែលរួមមាននូវគម្រោងសន្សំ និងការពារ ក៏ដូចជាកញ្ចប់សេវាកម្មផ្សេងៗទៀត ជាមួយក្រុមហ៊ុន មេនូឡាយហ្វ៍។ អ្នកស្រីក៏បានមានប្រសាសន៍ផងដែរថា៖ «ខ្ញុំនឹងខំប្រឹងបន្តទៀតដើម្បីក្លាយជាសមាជិកលំដាប់ពិភពលោក Court of the Table (COT) ឬ Top of the Table (TOT) នៅពេលខាងមុខ»។
គួរបញ្ជាក់ផងដែរថា Million Dollar Round Table (MDRT) គឺជាសមាគមលំដាប់ពិភពលោកមួយសម្រាប់អ្នកឯកទេសផ្នែកហិរញ្ញវត្ថុ ឯករាជ្យ និងលំដាប់ពិភពលោកតែមួយគត់ដែលបច្ចុប្បន្នមានអ្នកឯកទេសនាំមុខគេក្នុងវិស័យធានារ៉ាប់រងអាយុជីវិត និងសេវាកម្មហិរញ្ញវត្ថុជាង ៦៦.៥០០ នាក់ជាសមាជិក។ សមាជិកទាំងអស់នៃសមាគមនេះ គឺមកពីបណ្តាក្រុមហ៊ុនអន្តរជាតិជាង ៥០០ ក្រុមហ៊ុន និងមកពី ៧២ ប្រទេសរួមទាំងប្រទេសកម្ពុជាផងដែរ។
Million Dollar Round Table (MDRT) ជាបទដ្ឋានលំដាប់អន្តរជាតិក្នុងវិស័យហិរញ្ញវត្ថុ និងធានារ៉ាប់រងទូទាំងពិភពលោក។
Court of the Table (COT) ជាបទដ្ឋានលំដាប់អន្តរជាតិកំពូលមួយដែលមានកម្រិតខ្ពស់ជាងសមាជិកភាព MDRT ដល់ទៅ ៣ ដង។
Top of the Table (TOT) ជាបទដ្ឋានលំដាប់អន្តរជាតិកំពូលមួយដែលមានកម្រិតខ្ពស់ជាងសមាជិកភាព MDRT ដល់ទៅ ៦ ដង។