- 2021-09-23 03:06:00
- សេដ្ឋកិច្ច
ច្រើនជាងគេ! យូនីលឹវើ ទទួលបានកិត្តិយស ក្នុងចំណោមក្រុមហ៊ុនបង់ពន្ធច្រើនជាងគេនៅកម្ពុជា
- 2021-09-23 03:06:00
- ចំនួនមតិ 0 | ចំនួនចែករំលែក 0
ច្រើនជាងគេ! យូនីលឹវើ ទទួលបានកិត្តិយស ក្នុងចំណោមក្រុមហ៊ុនបង់ពន្ធច្រើនជាងគេនៅកម្ពុជា
ចន្លោះមិនឃើញ
ក្រុមហ៊ុនយូនីលីវើជាប់ចំណាត់ថ្នាក់ទី២៤ ក្នុងបញ្ជីក្រុមហ៊ុនបង់ពន្ធច្រើនជាងគេបំផុត បើយោងទៅតាមការវាយតម្លៃក្នុងឆ្នាំ ២០២០។ កាលពីថ្ងៃទី១៦ ខែកញ្ញា ឆ្នាំ ២០២១ កន្លងទៅនេះ ក្រុមហ៊ុនយូនីលីវើ (ខេមបូឌា) លីមីតធីត ត្រូវបានទទួលស្គាល់ដោយ រាជរដ្ឋាភិបាលកម្ពុជា ចំពោះការចូលរួមចំណែក ក្នុងការអនុវត្តកាតព្វកិច្ចបង់ពន្ធដ៏ច្រើន សម្រាប់ប្រទេសជាតិ។
ថ្មីៗនេះក្រុមហ៊ុនយូនីលីវើ ទទួលបានលិខិតថ្លែងអំណរគុណ ដែលត្រូវបានចុះហត្ថលេខាដោយ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ដែលបញ្ជាក់ថាក្រុមហ៊ុនយូនីលីវើ ជាប់ចំណាត់ថ្នាក់ទី២៤ ក្នុងបញ្ជីក្រុមហ៊ុនបង់ពន្ធច្រើនបំផុតតាមការវាយតម្លៃក្នុងឆ្នាំ ២០២០។
ជាមួយគ្នានេះផងដែរ ក្រុមហ៊ុន យូនីលីវើ ក៏បានទទួលលិខិតសរសើរពីអគ្គនាយកដ្ឋានពន្ធដារ ចំពោះការរួមចំណែកដ៏លេចធ្លោនៅក្នុងការអនុវត្តកាតព្វកិច្ចបង់ពន្ធរបស់ខ្លួន ផងដែរ។
លោក លី សុធូ អគ្គនាយកក្រុមហ៊ុនយូនីលីវើប្រចាំប្រទេសកម្ពុជា និងឡាវមានប្រសាសន៍ថា៖ «ចំណូលពន្ធពិតជា មានសារសំខាន់ខ្លាំងណាស់សម្រាប់ការរីកលូតលាស់នៃសេដ្ឋកិច្ចជាតិ ហើយវាបានចូលរួមចំណែកជួយឱ្យរាជរដ្ឋាភិបាលផ្តល់នូវសេវាកម្ម និងហេដ្ឋារចនាសម្ព័ន្ធសំខាន់ៗ សម្រាប់ប្រជាពលរដ្ឋ»។
លោកបានបន្ថែមទៀតថា៖ «ក្នុងនាមជាក្រុមហ៊ុនមានការទទួលខុសត្រូវ យើងមានសេចក្តីសោមនស្សរីករាយ ដែលបានចូលរួមចំណែកក្នុងការជួយបង្កើតផលវិជ្ជមានដល់ជីវភាពរស់នៅរបស់ប្រជាពលរដ្ឋកម្ពុជាតាមរយៈការរួមចំណែក ក្នុងការអនុវត្តកាតព្វកិច្ចបង់ពន្ធរបស់ពួកយើង»។
នៅប្រទេសកម្ពុជា ក្រុមហ៊ុនយូនីលឹវើ មានការចែកចាយ និងផ្គត់ផ្គង់នូវផលិតផលប្រើប្រាស់ចាំបាច់ជាច្រើនដូចជា៖
បន្ថែមពីលើការអនុវត្តកាតព្វកិច្ចបង់ពន្ធដ៏លេចធ្លោរបស់ខ្លួន ក្រុមហ៊ុនយូនីលីវើ ក៏បានស្ថិតនៅក្នុងចំណោមក្រុមហ៊ុនជួរមុខ ក្នុងការចូលរួមចំណែកជួយរាជរដ្ឋាភិបាល និងអង្គការសង្គមស៊ីវិលនានា ចាប់តាំងពីមានការផ្ទុះរីករាលដាលនៃជម្ងឺកូវីដ ១៩ ក្នុងប្រទេសកម្ពុជាកន្លងមក។
ចាប់តាំងពីដើមឆ្នាំមុនរហូតមកដល់ពេលនេះ ក្រុមហ៊ុន យូនីលីវើ (ខេមបូឌា) លីមីធីត បានចូលរួមចំណែក និងឧបត្ថម្ភនូវផលិតផលចំណីអាហារចាំបាច់ និងផលិតផលអនាម័យប្រើប្រាស់ប្រចាំថ្ងៃរបស់ក្រុមហ៊ុនផ្ទាល់ គិតជាទឹកប្រាក់ប្រមាណ ៥៤០លានរៀល ឬប្រហែល ១៣៥០០០ដុល្លារអាមេរិក និងឧបករណ៍ជំនួយផ្លូវដង្ហើមដល់ស្ថាប័ននានាក្នុងការប្រយុទ្ធប្រឆាំងនឹងការរាតត្បាត នៃជំងឺកូវីដ ១៩។
សម្រាប់ព័ត៌មានបន្ថែមអំពីក្រុមហ៊ុនយូនីលីវើ និង ម៉ាកផលិតផលអាចចូលទៅកាន់គេហទំព័រ www.unilever.com។
សាកសួរព័ត៌មានផ្សេងៗ៖
