- 2015-08-24 15:23:57
- ព័ត៌មាន
ថ្ងៃទីមួយនៃការប្រលងបាក់ឌុបនៅបាត់ដំបង ទីតាំងថតចម្លងក្បែរមណ្ឌលប្រលងបិទអស់ហើយ
- 2015-08-24 15:23:57
- ចំនួនមតិ 0 | ចំនួនចែករំលែក 0
ថ្ងៃទីមួយនៃការប្រលងបាក់ឌុបនៅបាត់ដំបង ទីតាំងថតចម្លងក្បែរមណ្ឌលប្រលងបិទអស់ហើយ
ចន្លោះមិនឃើញ
ក្រុមអ្នករកស៊ីថតចម្លងក្បែរមណ្ឌលប្រលងបាក់ឌុបឆ្នាំនេះ បានឲ្យដឹងថា ពួកគេគាំទ្រចំណាត់ការរបស់ក្រសួងអប់រំ ហើយបានស្ម័គ្រចិត្តបិទរបររកស៊ីនេះពីរថ្ងៃក្នុងអំឡុងនៃការប្រលងបាក់ឌុប ២៤-២៥ ខែ សីហា ឆ្នាំ ២០១៥។
លោក អ៊ាង សំអុន ដែលមានទីតាំងថតចម្លងនៅក្បែរវិទ្យាល័យព្រះមុនីវង្ស ខេត្តបាត់ដំបង បាននិយាយថា ឆ្នាំមុនៗ គាត់តែងតែបិទកន្លែង នៅរយៈពេលប្រលងទាំងពីរថ្ងៃនេះ ទោះបីជាមិនដែលឃើញប្រកាសក៏ដោយ។ សំអុន លើកឡើងថា អ្នកបើករបររកស៊ីផ្នែក ថតចម្លង និង ព្រីនឯកសារផ្សេងៗ បានគាំទ្រចំណាត់ការរបស់ក្រសួងអប់រំ ហើយថា វិធានការណ៍នេះនឹងក្លាយទៅជាផ្នែកមួយចូលរួមពង្រឹងវិស័យអប់រំ។
ចំណែក ម្ចាស់ហាងថតចម្លងឈ្មោះសុភ័ណ្ឌដែលមានទីតាំងក្បែរវិទ្យាល័យនេតយ៉ង់បាននិយាយថា កាលពីឆ្នាំមុនកន្លែងអ្នកស្រី គឺមានសិស្សានុសិស្ស មកថតចម្លងរហូត គឺចន្លោះពី ៥-១០ ថ្ងៃ មុនថ្ងៃប្រលង។ ទន្ទឹមគ្នានេះ កន្លងមក កន្លែងគាត់ គឺមិនដែលបិទទ្វារទេ តែឆ្នំានេះបិទ គឺគោរពតាមសេចក្ដីប្រកាសរបស់ក្រសួងអប់រំ។
[audio mp3="http://media.sabay.com/uploads/2015/08/គ្មានការកូពីឯកសារ-.mp3"][/audio]
អ្នកស្រី សៅឌី ដែលជាម្ចាស់កន្លែងថតចម្លងមួយទៀត បានបញ្ចេញចំណាប់អារម្មណ៍ថា "យើងជាអាជីវករ ការណ៍ដែលសិស្សមកកូពី គឺជា រឿងអាជីវកម្មយើងទេ ហើយក៏អន់ចិត្តដែរ ដែលគេមកហាមរឿងរកស៊ីយើងអីចឹង។ តែយ៉ាងណាខ្ញុំត្រូវគោរពតាមបទបញ្ជាគេហើយ បើគេឲ្យបិទគឺខ្ញុំសុខចិត្តបិទពីរថ្ងៃតាមការណែនាំរបស់ក្រសួងអប់រំ"។
អ្នកនាំពាក្យក្រសួងអប់រំ យុវជន និង កីឡា លោក រស់ សាលីន បាននិយាយប្រាប់ Sabay ថា ក្រសួងបានប្រកាសឲ្យបិទទីតាំងថតចម្លងឯកសារក្បែរមណ្ឌលប្រលង ដើម្បីដើម្បីធានាឲ្យមានភាពរលូននៅពេលប្រឡង និងការពារបាតុភាពអសណ្ដាប់ធ្នាប់ផ្សេងទៀត។ លោកបានឲ្យដឹងទៀតថា ទីតាំងថតចម្លងណាមួយរឹងទទើសមិនព្រមស្តាប់ការណែនាំនេះ ពួកគេអាចនឹងទទួលការព្រមានពីស្ថាប័នពាក់ព័ន្ធ ហើយបើសិនជារកឃើញថា ទទួលការព្រមានហើយនៅតែបន្តសកម្មភាពដដែលទៀតនោះពួកគេអាចនឹងត្រូវរងការចោទប្រកាន់ដល់បទព្រហ្មទណ្ឌក៏មាន៕
មានអត្ថបទថ្មី និង ប្លែកៗ កើតមានគ្រប់ទីកន្លែង ប្រិយមិត្តចង់រាយការណ៍ ឬ ចង់ឲ្យ Sabay ចុះផ្សាយ សូមទំនាក់ទំនងតាម៖
-ទូរសព្ទ៖ 012 567 8 82 -អ៊ីមែល៖ Chip.chet@cidc.com.kh -លេខទូរសព្ទ៖ 099 588 880 -អ៊ីមែល៖ bin.bunna@cidc.com.kh
ចង់ដឹងលក្ខខណ្ឌដើម្បីសរសេរផ្ញើមកកាន់ Sabay បានសូមចុចត្រង់នេះ!
អ្នករាយការណ៍៖ ហួន ទីណារ័ត្ន
