• 2020-10-09 04:59:50
  • ព័ត៌មាន

១០ចំណុច ដែលក្រសួងប្រកាសការរៀបចំពិធីអុំទូក នៅតាមភូមិ ឃុំ និងទីវត្តអារាម នាពេលខាងមុខ

  • 2020-10-09 04:59:50
  • ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រសួងសុខាភិបាល នៃព្រះរាជាណាចក្រកម្ពុជា សូមជម្រាបជូនសាធារណជនទាំងអស់ឱ្យបានជ្រាបថា តាមការណែនាំ ដ៏ខ្ពង់ខ្ពស់របស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ថ្វីត្បិតតែឆ្នាំ២០២០នេះ ព្រះរាជាណាចក្រកម្ពុជាយើងមិនមានប្រារព្វព្រះរាជពិធីបុណ្យ អុំទូក បណ្តែតប្រទីប សំពះព្រះខែ និងអកអំបុក នៅរាជធានីភ្នំពេញក៏ដោយ ក៏ប៉ុន្តែតាមការសង្កេតឃើញថា អាចមានក្រុមប្រជាពលរដ្ឋខ្លះ មានរៀបចំការប្រណាំងទូក បណ្តែតប្រទីប អកអំបុក និងសំពះព្រះខែ ដោយក្រុមតូចៗ របស់គាត់នៅតាមភូមិ -ឃុំ និងនៅតាមទីវត្តអារាម ឬនៅតាមផ្ទះសម្បែង ដែលតម្រូវឲ្យមានការយកចិត្តទុកដាក់យ៉ាងហ្មត់ចត់ពីអាជ្ញាធរមូលដ្ឋាន និងក្រុមអ្នករៀបចំពិធីនេះ ក្នុងការធានាមិនឲ្យមានការចម្លងវីរុសកូវីដ-១៩ ចូលក្នុងសហគមន៍យើង។

ក្រសួងសុខាភិបាលបានឲ្យដឹងថា ប្រសិនបើបងប្អូនប្រជាពលរដ្ឋនៅតាមភូមិ-ឃុំ មានរៀបចំពិធីអបអរសាទរព្រះរាជពិធីអុំទូក បណ្តែតប្រទីប សំពះព្រះខែ និង អកអំបុក ដែលនឹងប្រព្រឹត្តទៅចាប់ពីថ្ងៃទី៣០ ខែតុលា ឆ្នាំ២០២០ ដល់ថ្ងៃទី០១ ខែវិច្ឆិកា ឆ្នាំ២០២០ ខាងមុខនេះ ក្រសួងសូមណែនាំដល់បងប្អូនប្រជាពលរដ្ឋ មិនត្រូវមានការជួបជុំគ្នាក្នុងទ្រង់ទ្រាយធំឡើយ ហើយត្រូវចាត់ចែងរៀបចំការ ប្រណាំងទូក បណ្តែតប្រទីប សំពះព្រះខែ និងអកអំបុក ទៅតាមភូមិ-ឃុំ វត្តអារ៉ាម (មិនត្រូវធ្វើនៅថ្នាក់ខេត្តឡើយ ដែលបង្កឲ្យ មានការប្រមូលផ្តុំគ្នាច្រើនពេក) ទៅតាមស្ថានភាពជាក់ស្តែង និងទីតាំងដែលអាចធ្វើបានតែប៉ុណ្ណោះ ដោយចាំបាច់ត្រូវធ្វើក្នុង ទ្រង់ទ្រាយតូចៗ ដែលចំណុះទូកនីមួយៗ មិនឲ្យលើសពី ១០នាក់ និងមិនឲ្យលើសពី ៦ទូក ក្នុងមួយពិធី ហើយមិនឲ្យលើសពី ៦០នាក់ សម្រាប់អ្នកចូលទស្សនា ព្រមទាំងត្រូវឲ្យមានគម្លាតសុវត្ថិភាពបុគ្គលយ៉ាងតិចមួយម៉ែតកន្លះ សម្រាប់អ្នកអង្គុយអុំទូក និងត្រូវអនុវត្តតាមគោលការណ៍ណែនាំសំខាន់ៗដូចខាងក្រោម រួមមាន៖

  • ក.អាជ្ញាធររាជធានី ខេត្ត ស្រុកក្រុង ខណ្ឌ រដ្ឋបាលភូមិ-ឃុំ/សង្កាត់ និងសុខាភិបាលមូលដ្ឋាន ទាំងអស់ ត្រូវសហការគ្នា ដោយមានចាត់តាំងកម្លាំង ចាត់ចែង គ្រប់គ្រង ឃ្លាំមើល និងធ្វើការ ណែនាំការអនុវត្តឲ្យបានខ្ជាប់ខ្លួនប្រកបដោយប្រសិទ្ធភាពនូវវិធានការការពារដូចខាង ក្រោមនេះ៖

  • ១. បន្តធ្វើឲ្យសកម្មនូវដំណើរការគណៈកម្មការប្រយុទ្ធនឹងជំងឺកូវីជ-១៩ រាជធានី -ខេត្ត ជាបន្តទៅទៀត ហើយត្រូវចាត់តាំងកម្លាំង ឲ្យបានសមស្រប សម្រាប់ជួយសម្របសម្រួល និងតាមដានការអនុវត្តវិធានការសុខាភិបាលនៅតាមទីតាំងដែលមាន រៀបចំការប្រណាំងទូក

  • ២. អ្នកចាត់ចែង អ្នកអុំទូក អ្នកចូលទស្សនា និងគ្រប់ៗគ្នា ត្រូវពាក់ម៉ាស់ជាចាំបាច់ រហូតដល់ពិធីចប់ ជាស្ថាពរ។

  • ៣. ត្រូវរៀបចំឲ្យមានកន្លែងលាងដៃ នៅតាមច្រកចេញ-ចូល មុននឹងចូលទៅកាន់កន្លែងពិធីប្រណាំងទូក បណ្តែតប្រទីប សំពះ ព្រះខែ និងអកអំបុក។

  • ៤. ត្រូវចាត់ឲ្យវាស់កំដៅខ្លួនបុគ្គលនីមួយៗ និងបាញ់ទឹកអាល់កុលលាងដៃ ជូនដល់គ្រប់អ្នកដែលចូលទៅកាន់ទីតាំងមានពិធី ជាពិសេស កុំឲ្យមានការធ្វេសប្រហែសឲ្យសោះ នៅតាមមុខច្រកចេញ-ចូល នីមួយៗ។

  • ៥. ចាត់ចែងឲ្យមានការតម្រង់ជួរ ដោយឈរ ឬរង់ចាំ ឲ្យមានគម្លាត ពីគ្នាយ៉ាងតិចមួយម៉ែត្រកន្លះ នូវរាល់ពេលដែលមានការចូល ទៅកាន់ទីកន្លែងប្រណាំងទូក ។

  • ៦. ចាត់ចែងឲ្យមានការអង្គុយ ឬឈរ ទស្សនាការប្រណាំងទូក ដោយមានគម្លាតសុវត្ថិភាពបុគ្គលយ៉ាងតិចមួយម៉ែត្រកន្លះ ពីមនុស្សម្នាក់ទៅមនុស្សម្នាក់។

  • ៧. ពិនិត្យតាមដានអ្នកចូលរួមពិធីទាំងអស់ បើមានករណីគ្រុនក្តៅ ឬគ្រុនផ្តាសាយ មិនត្រូវអនុញ្ញាតឲ្យចូលទៅកាន់កន្លែងមាន ពិធីណាមួយ ឬឲ្យគាត់ឈប់ទស្សនា និងត្រូវឲ្យគាត់វិលត្រឡប់ទៅផ្ទះគាត់វិញ បន្ទាប់មក ត្រូវស្វែងរកការពិគ្រោះជំងឺនៅតាម មណ្ឌលសុខភាព ឬមន្ទីរពេទ្យរដ្ឋ ដែលនៅជិតលោកអ្នក និងរាយការណ៍មកទូរស័ព្ទទាន់ហេតុការណ៍លេខ ១១៥ នូវរាល់ ករណីសង្ស័យឆ្លងជំងឺកូវីដ-១៩ ឬមានបញ្ហាសុខភាពណាមួយ។

  • ៨. ត្រូវចាត់ចែង ដោយកំណត់ចំណុះទូក ដែលមានអ្នកអុំ មិនត្រូវលើសពី ១០នាក់ ក្នុងទូកនីមួយៗ និងត្រូវតែមានគម្លាតសុវត្តិ ភាពបុគ្គលពីគ្នាយ៉ាងតិចមួយម៉ែត្រកន្លះ ព្រមទាំងត្រូវពាក់ម៉ាស់ជាប់ជាប្រចាំ និងមានការរក្សាអនាម័យដៃឲ្យបានស្អាតជានិច្ច។

  • ១០. ណែនាំប្រជាជនក្នុងដែនសមត្ថកិច្ចទទួលខុសត្រូវរបស់ខ្លួន ឲ្យអនុវត្តវិធានការសុខាភិបាលខ្ជាប់ខ្ជួនស្របតាមរបត់នៃ “ការរស់នៅធម្មតា តាមបែបគន្លងថ្មី ក្នុងបរិបទប្រយុទ្ធនឹងជំងឺកូវីដ-១៩" ។

សូមមើលសេចក្តីប្រកាសដូចខាងក្រោមនេះ​៖

ប្រភព៖ ក្រសួងសុខាភិបាល

មតិយោបល់