- 2020-11-09 23:41:06
- ព័ត៌មាន
ព្រឺសម្បុរ! ពេលដឹងអត្ថន័យឈ្មោះដើម របស់រាជធានីភ្នំពេញ កាលកកើតដំបូងភ្លាម
- 2020-11-09 23:41:06
- ចំនួនមតិ 0 | ចំនួនចែករំលែក 0
ព្រឺសម្បុរ! ពេលដឹងអត្ថន័យឈ្មោះដើម របស់រាជធានីភ្នំពេញ កាលកកើតដំបូងភ្លាម
ចន្លោះមិនឃើញ
នៅគ.ស ១៤៣១ ព្រះបាទបរមរាជាចៅពញាយ៉ាត ទ្រង់បានលើករាជាធានីទៅតាំងនៅទួលបាសាក្នុងខេត្ត ស្រីសឈរវិញ តែគង់នៅទីនោះបានតែ ១ឆ្នាំ (ក្បួនខ្លះថាដល់ ៩ឆ្នាំ) ដោយមានទឹកជំនន់ធំខុសធម្មតា ព្រះអង្គក៏បញ្ជាឱ្យលើករាជធានីពីទួលបាសានទៅតាំងនៅក្រុងភ្នំពេញវិញ នៅលើត្រើយខាងលិចនៃទន្លេច្រាបឈាម។
ព្រះអង្គក៏ទ្រង់ត្រាស់បង្គាប់ ចៅពញាតេជោ ចៅហ្វាយស្រុក ខេត្តសំរោងទង ឱ្យកេនរាស្ត្រលើកដីទៅចាក់បំពេញតំបន់នៅជុំវិញវត្តភ្នំ និងក្នុងរាជវាំង ។ ទីដែល ចៅពញាតេជោ ឱ្យរាស្រ្តជីកយកអាចម៍ដីនោះ ក៏ក្លាយទៅជាបឹងមួយធំជ្រៅទូលាយទើបបានគេឈ្មោះថា បឹងតេជោ តរៀងមក គឺដីត្រង់ផ្សារថ្មីសព្វថ្ងៃ។
ព្រះចៅពញាយ៉ាត ទ្រង់បញ្ជាឱ្យជីកគូ និងលើកដីជាកំពែងតាំងជា សើន ជាបន្ទាយព័ទ្ធជុំវិញរាជធានី ។ ដូច្នេះ នៅទិសខាងត្បូងគឺ ព្រែកតាកែវ ខាងលិច ព្រែកអូគរ ខាងជើង ព្រែកពោងពាយ ឬ ព្រែកចិនដំដែក។ ក្រៅពីមុខងារការពារក្រុង ព្រែកទាំងនោះនៅមានមុខងារសំខាន់ម៉្យាងទៀតគឺយកទឹកសំរាប់ឱ្យរាស្ត្រធ្វើស្រែនៅទិសខាងលិច។
លុះសម្រេចការកសាងហើយ ព្រះរាជាទ្រង់តាំងប្រទាននាមព្រះនគរថា "ក្រុងចតុមុខមង្គល សកលកម្ពុជាធិបតី សិរីធរ បវរ ឥន្ធបត្តបុរី រដ្ឋរាជ សីមា មហានគរ" ប្រែថា "ទីនៃទន្លេមុខបួន ដែលផ្ដល់សេចក្ដីសុខចម្រើនស្រីសួស្ដី នៃនគរកម្ពុជាជាម្ចាស់លើសគេ ជាទីឋានព្រះឥន្ទ្រដ៏ថ្លៃថ្លាលើសលែង នៃនគរដ៏មហាធំធេង"។ ចំណែកឯទន្លេច្រាបឈាម ក៏ត្រូវបានប្រសិទ្ធិនាមថ្មីថា ទន្លេចតុមុខវិញដែរ៕
