- 2021-01-07 03:31:15
- ព័ត៌មាន
ចម្លាក់ព្រះថោងនាងនាគខ្មែរ ដ៏ធំសំបើមលេចរូបរាងបណ្ដើរៗ គ្រាន់តែប្រអប់ជើងកម្ពស់មនុស្ស
- 2021-01-07 03:31:15
- ចំនួនមតិ 0 | ចំនួនចែករំលែក 0
ចម្លាក់ព្រះថោងនាងនាគខ្មែរ ដ៏ធំសំបើមលេចរូបរាងបណ្ដើរៗ គ្រាន់តែប្រអប់ជើងកម្ពស់មនុស្ស
ចន្លោះមិនឃើញ
រូបសំណាកដ៏ធំសំបើម រៀបរាប់ពីកំណើតនគរខ្មែរ គឺព្រះថោង តោងស្បៃនាងនាគ ត្រូវបានលេចរូបរាងជាបណ្ដើរៗហើយ ក្រោយការគូសវាស ស្មិត និងរំលាយវត្ថុធាតុ តាមចំណេះជំនាញរបស់ជាងអស់ពេលជាច្រើនខែ។
ព្រះថោង តោងស្បៃនាងនាគ គឺជារូបសំណាក ដែលជានិមិត្តរូបមួយក្នុងចំណោមនិមិត្តរូប សំខាន់ៗចំនួន៤ នៅខេត្តព្រះសីហនុ។ រូបសំណាកនេះគ្រោងនឹងតំឡើងនៅផ្លូវចំណុចប្រសព្វ រង្វង់មូលរវាង មហាវិថី ឆ្នេររាម និងមហាវិថីជំទាវម៉ៅ ដែលមានកម្ពស់ធំមហិមា គឺប្រមាណ ២១ម៉ែត្រ ផុសឡើងកណ្ដាលអាកាស ស្រមៃមើលទៅគួរឲ្យកោតស្ញប់ស្ញែងក្រៃលែង។
តាមផែនការ ក្រុមជាងនឹងធ្វើរូបទាំងពីរឲ្យបែរព្រះភក្ត្រ ទៅទិសខាងសមុទ្រ ដោយសារបើតាមរឿងព្រេងការកកើតនគរខ្មែរគឺនាងនាគ បានឲ្យព្រះថោង តោងកន្ទុយ ឬស្បៃ ដើម្បីមុជទឹក ហោះទៅកាន់ឋានស្ដេចភុជង្គនាគ ដើម្បីជួបមាតា បិតារបស់ព្រះនាង ហើយនោះគឺជាកំណើតនៃអារ្យធម៌, វប្បធម៌ ប្រពៃណី ទំនៀមទម្លាប់នគរខ្មែរ គោកធ្លក ដែលគេឃើញមានតរៀងមក ក្នុងពិធីរៀបអាពាហ៍ពិពាហ៍ខ្មែរដល់សព្វថ្ងៃ។
រូបសំណាក ព្រះថោង និងនាងនាគ នឹងក្លាយជារូបសំណាកនិមិត្តរូបខេត្តព្រះសីហនុ ជាមួយនឹងរូបសំណាក ៣ផ្សេងទៀតរួមមានដូចជា រូបសំណាកតោមាស ញីឈ្មោល ដែលមានស្រាប់, រូបសំណាក ព្រះសិវៈ និងព្រះនាងឧមា (សាងសង់ថ្មី) និងរូបសំណាក សីហរាជក្បាលបី សុទ្ធសឹងស្ថិតនៅក្នុងផែនការអភិវឌ្ឍខេត្តព្រះសីហនុ ជាមួយនឹងផ្លូវ៣៤ខ្សែសាងសង់តំណាលគ្នា៕
