ក្រសួងអប់រំប្រកាសផ្លាស់ប្ដូរម៉ោងរៀន ស្របពេលអាកាសធាតុក្ដៅ

2024-04-30 13:13:37
ព័ត៌មាន

2024-04-30 13:13:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រសួងអប់រំ យុវជន និងកីឡាប្រកាសផ្លាស់ប្ដូរម៉ោងបង្រៀន និងរៀន ស្របពេលអាកាសធាតុក្ដៅហែងនៅរយៈពេលចុងក្រោយនេះ។ នេះបើតាមលិខិតរបស់ឯកឧត្ដមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា នៅក្នុងថ្ងៃអង្គារនេះ។

រូបតំណាង

ក្នុងលិខិតរបស់ឯកឧត្ដមបណ្ឌិតសភាចារ្យ ទៅកាន់ប្រធានមន្ទីរអប់រំរាជធានី-ខេត្តខាងលើនេះបានឱ្យដឹងថា ដើម្បីទប់ស្កាត់ហានិភ័យ និងជំងឺផ្សេងៗ ខាងក្រសួងស្នើឱ្យគណៈគ្រប់គ្រងសាលាទាំងអស់ឱ្យផ្លាស់ប្ដូរម៉ោងសិក្សាដោយ ព្រឹកចូលរៀនម៉ោង ៧ ហើយចេញម៉ោង ១០ ចំណែកឯពេលថ្ងៃ ចូលរៀនម៉ោង ២ល្ងាច និងចេញទៅផ្ទះវិញនៅម៉ោង ៥ល្ងាច។

ជាមួយគ្នានេះដែរ ក្នុងមួយម៉ោងសិក្សា សិស្សត្រូវចេញលេង ១៥នាទី។

បន្ថែមពីនេះទៀត ករណីអាកាសធាតុក្ដៅខ្លាំងលើសពីការគ្រប់គ្រងបាន គ្រឹះស្ថានសិក្សានានាមានសិទ្ធិសម្រេចចាត់ចែងតាមស្ថានភាពជាក់ស្ដែង។

សូមជម្រាបផងដែរ កម្ពុជា ក៏ដូចជាប្រទេសនៅតំបន់អាស៊ីអាគ្នេយ៍នានាកំពុងតែជួបនៅរលកកម្ដៅនៅក្នុងខែមេសានេះ។ បើតាមការព្យាករណ៍របស់ក្រសួងឧត្តុនិយម និងធនធានទឹកកម្ពុជា ស្រុកខ្មែរអាចនឹងក្ដៅរហូតដល់មានសីតុណ្ហភាព ៤៣អង្សាសេ៕

អត្ថបទ៖ ហ៊ីម រស្មី