- 2018-05-12 07:02:49
- ព័ត៌មាន
ភោជនីយដ្ឋានចិន ផ្តល់អាហារឥតគិតថ្លៃសម្រាប់អ្នកស្គម
- 2018-05-12 07:02:49
- ចំនួនមតិ 0 | ចំនួនចែករំលែក 0
ភោជនីយដ្ឋានចិន ផ្តល់អាហារឥតគិតថ្លៃសម្រាប់អ្នកស្គម
ចន្លោះមិនឃើញ
ដើម្បីទាក់ទាញភ្ញៀវកាន់តែច្រើន គណៈគ្រប់គ្រងភោជនីយដ្ឋានមួយបាននឹកឃើញវិធីដ៏ចម្លែក គួរឱ្យចាប់អារម្មណ៍ នោះគឺការធ្វើតេស្តមាឌរបស់ភ្ញៀវ ហើយនឹងផ្តល់ជូនអាហារ និងស្រាបៀរ ឥតគិតថ្លៃ ប្រសិនបើពួកគេជាប់ធ្វើតេស្តខាងលើនេះ។
កាសែត Daily Mail បានចុះផ្សាយថា ភោជនីយដ្ឋានមួយនៅទីក្រុងជីណាន (Jinan) ប្រទេសចិន បានផ្តល់ការបញ្ចុះតម្លៃដល់ភ្ញៀវប្រសិនបើពួកគេអាចឆ្លងកាត់របារដែកតូច ចង្អៀតនៅច្រកទ្វារចូលរួច។
គម្លាតចន្លោះរបារមានទំហំខុសៗគ្នា ដែលកំណត់ការបញ្ចុះតម្លៃខុសគ្នាដែលអតិថិជនមាន សិទ្ធិទទួលបាន។ ឧទាហរណ៍ សម្រាប់អ្នកដែលអាចឆ្លងកាត់ចន្លោះតូចបំផុតត្រឹម ១៥ សង់ទីម៉ែត្រ ភោជនីយដ្ឋាននឹងផ្តល់ជូនអាហារ និងស្រាបៀរឥតគិតថ្លៃពេញមួយល្ងាច។ គម្លាតបន្ទាប់គឺ ១៨ សង់ទីម៉ែត្រ ភ្ញៀវដែលឆ្លងផុតចន្លោះតូចចង្អៀតនេះនឹងទទួលបានស្រាបៀរ ៥ កំប៉ុង/ដបដោយឥតគិតថ្លៃ។
គម្លាតទី៣ ទំហំ ២៥ សង់ទីម៉ែត្រផ្តល់ជូនស្រាបៀរមួយកំប៉ុង/ដប ចំណែកឯគម្លាតទី៤ ទំហំ ៣០ សង់ទីម៉ែត្រមិនផ្តល់ជូនការបញ្ចុះតម្លៃទេ គឺគិតថ្លៃពេញធម្មតា៕
ចុចអាន៖
