- 2018-05-26 02:32:37
- ព័ត៌មាន
ដូណាល់ ត្រាំ ថាជំនួបជាមួយកូរ៉េខាងជើង នៅតែអាចកើតឡើង នៅពេលនិងទីកន្លែងដដែល
- 2018-05-26 02:32:37
- ចំនួនមតិ 0 | ចំនួនចែករំលែក 0
ដូណាល់ ត្រាំ ថាជំនួបជាមួយកូរ៉េខាងជើង នៅតែអាចកើតឡើង នៅពេលនិងទីកន្លែងដដែល
ចន្លោះមិនឃើញ
ប្រធានាធិបតីអាមេរិក លោក ដូណាល់ ត្រាំ បាននិយាយថា សហរដ្ឋអាមេរិក កំពុងមានកិច្ចចរចាដែលឲ្យផលច្រើនជាមួយកូរ៉េខាងជើង អំពីកិច្ចប្រជុំកំពូលជាមួយ លោក គីម ជុងអ៊ុន នាខែក្រោយ ហើយបន្ថែមថា វាអាចកើតឡើងនៅពេលវេលា និងទីកន្លែងដដែល។
ប្រធានាធិបតីអាមេរិកវ័យ ៧១ឆ្នាំរូបនេះ បានបង្ហោះសារនៅលើបណ្ដាញសង្គម Twitter កាលពីយប់ថ្ងៃសុក្រថា ប្រសិនបើកិច្ចប្រជុំកំពូលកើតឡើង វាទំនងនឹងធ្វើនៅសិង្ហបុរី នាថ្ងៃទី១២ ខែមិថុនា ឆ្នាំ២០១៨ ដដែល។
គួររំលឹកឲ្យដឹងថា កាលពីថ្ងៃព្រហស្បតិ៍ ទី២៤ ខែឧសភា ឆ្នាំ២០១៨ កន្លងទៅ លោក ត្រាំ បានលុបចោលគម្រោងកិច្ចប្រជុំកំពូលនោះ ដោយ កូរ៉េខាងជើង សម្ដែងនូវអាកប្បកិរិយាខឹងសម្បារ និង បង្ហាញនូវអរិភាពធ្ងន់ធ្ងរ។
ទោះបីជាយ៉ាងណាក៏ដោយ រដ្ឋាភិបាលកូរ៉េខាងជើង បានឲ្យដឹងកាលពីថ្ងៃសុក្រម្សិលមិញនេះថា ខ្លួននៅតែមានឆន្ទៈក្នុងការជួបជាមួយសហរដ្ឋអាមេរិក គ្រប់ពេលវេលា និងគ្រប់ទម្រង់ទាំងអស់៕
ចុចអាន៖
