ខ្មែរយើងទៅដល់ប្រទេសនេប៉ាល់ កម្ររំលងប្រាសាទមាសដ៏ល្បី១ អាយុកាលជាង ២០០០ឆ្នាំ

2018-06-05 03:36:52
ជំនឿ

2018-06-05 03:36:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រាសាទ Swayambhunath ដែលភាគច្រើនគេ និយមហៅថា ប្រាសាទស្វា មានទីតាំងនៅក្នុងទីក្រុង Kathmandu ប្រទេសនេប៉ាល់ ជាកន្លែងសក្ការបូជា ដ៏ល្បីឈ្មោះ១កន្លែង សម្រាប់ភ្ញៀវទេសចរជាតិ និងអន្តរជាតិចូលចិត្តទៅទស្សនា។

Swayambhunath គឺជាតំបន់សាសនា ដ៏ចំណាស់ជាងគេមួយ នៅក្នុងប្រទេសនេប៉ាល់។

យោងតាមសៀវភៅ១ ដែលមានឈ្មោះ Gopālarājavaṃśāvalī បញ្ជាក់ថា តំបន់នេះ ត្រូវបានបង្កើតឡើងដោយព្រះមហាក្សត្រ Vṛsadeva នៅដើមសតវត្សទី៥ (ឆ្នាំ ៤៦៤-៥០៥)។

ប្រាសាទនេះ ត្រូវបានបញ្ចប់ការជួសជុលឡើងវិញទាំងស្រុងកាលពី ខែឧសភា ឆ្នាំ២០១០ ដោយដំបូលប្រាសាទ ត្រូវបានប្រក់ដោយមាសសុទ្ធ ទម្ងន់២០គីឡូក្រាម។

ប្រាសាទ Swayambhunath ធ្លាប់រងការបំផ្លិចបំផ្លាញយ៉ាងដំណំពីគ្រោះរញ្ជួយដី ក្នុងប្រទេសនេប៉ាល់ កាលពីខែមេសា ឆ្នាំ ២០១៥ កន្លងទៅ។

មានជនជាតិខ្មែរ១រូប ដែលកំពុងមានវត្តមាននៅប្រទេសនេប៉ាល់ បានប្រាប់ Sabay ថា អ្នកដែលបានទៅដល់ប្រទេសទីនេះ កម្ររំលងកន្លែងនេះ ព្រោះតែពួកគេមានជំនឿសុំជោគជ័យ ឬសេចក្ដីសុខ ពិសេសអ្នកមានជំនឿលើព្រះពុទ្ធសាសនា និងការទៅមើលទិដ្ឋភាពទាំងមូល ពីទីក្រុង កាតាម៉ាន់ឌូ ប្រទេសនេប៉ាល់។

ទិដ្ឋភាពទីក្រុង កាតាម៉ាន់ឌូ (រូបភាពផ្តល់ឲ្យ ដោយកញ្ញា ហ៊ន់ ស៊ីង៉ា)

ស្ថាបត្យកម្មប្រាសាទ

ប្រាសាទនៅតំបន់ Swayambhunath នេះ ត្រូវសាងសង់ ជារាងក្រឡូម នៅផ្នែកខាងក្រោម និងនៅខាងលើមានរាងជាការ៉េ ដែលមានព្រះនេត្រព្រះទាំង គូរបែរទៅទិសទៅបួន។

ម្យ៉ាងវិញទៀត នៅពីលើនោះ មានរាងចតុកោណកែងបួនជ្រុង ដែលមានឆ្លាក់រូបព្រះ អមជាមួយនឹងកំពូល ចំនួន១៣ថ្នាក់ នៅពីលើផងដែរ។

កញ្ញា ហ៊ន់ ស៊ីង៉ា អ្នកស្ម័គ្រចិត្តចិត្តក្នុងគម្រោង ការស្ម័គ្រចិត្តដើម្បីការអភិវឌ្ឍន៍ របស់អង្គការ VSO កម្ពុជា បានទៅដល់ទីនោះដំបូង និងបានថតរូបភាពមួយចំនួន។