- 2018-09-01 04:50:42
- ព័ត៌មាន
ឆ្នាំ២០១៩ ពលរដ្ឋខ្មែររស់នៅខេត្តទាំង២នេះ ត្រៀមមានឈ្មោះរស់នៅក្នុងខេត្តថ្មី
- 2018-09-01 04:50:42
- ចំនួនមតិ 0 | ចំនួនចែករំលែក 0
ឆ្នាំ២០១៩ ពលរដ្ឋខ្មែររស់នៅខេត្តទាំង២នេះ ត្រៀមមានឈ្មោះរស់នៅក្នុងខេត្តថ្មី
ចន្លោះមិនឃើញ
ក្រោយទទួលបានការស្នើសុំពីក្រសួងមហាផ្ទៃដែលមានសម្ដេចក្រឡាហោម ស ខេង ជារដ្ឋមន្ត្រី សុំឲ្យមានការបង្កើតខេត្តថ្មីចំនួន២ទៀតនៅក្នុងប្រទេសកម្ពុជាកាលពីថ្ងៃទី២៧ ខែសីហា ឆ្នាំ២០១៨ មកដល់ថ្ងៃទី២៨ ខែសីហា ឆ្នាំ២០១៨កន្លងទៅសម្ដេចនាយករដ្ឋមន្ត្រីតេជោ ហ៊ុន សែន បានយល់ព្រមលើសំណើនេះហើយ។ តាមលិខិតរបស់ក្រសួងមហាផ្ទៃខេត្តទាំង២ថ្មី ដែលត្រៀមនឹងបង្កើតនេះ នឹងចេញឈ្មោះជាផ្លូវការណ៍ ក្នុងអំឡុងឆ្នាំ២០១៩ខាងមុខនេះហើយ។
យោងតាមលិខិតស្នើសុំរបស់ក្រសួងមហាផ្ទៃខេត្ត២ថ្មី ដែលនឹងលេចរូបរាងឡើងគឺ ទីមួយបំបែកចេញពីខេត្តកណ្ដាល និងទីពីរពិនិត្យលើកត្តាភូមិសាស្ត្រ និងប្រជាសាស្ត្ររបស់ស្រុកកោះញែក នៃខេត្តមណ្ឌលគិរី និងស្រុកលំផាត់ នៃខេត្តរតនគិរី។
ក្នុងលិខិតមួយដែលចេញដោយក្រសួងមហាផ្ទៃបានបញ្ជាក់ថា ក្នុងករណីសម្ដេចនាយករដ្ឋមន្ត្រីឯកភាពជាគោលការណ៍ហើយ ក្រសួងមហាផ្ទៃនឹងចាត់មន្ត្រីបច្ចេកទេស ដើម្បីសហការជាមួយក្រសួង និងខេត្តពាក់ព័ន្ធ ចុះធ្វើការសិក្សាស្រាវជ្រាវជាក់ស្ដែង ដើម្បីរាយការណ៍សុំយោបល់ដឹកនាំជាបន្តបន្ទាប់ពីសម្ដេចនាយករដ្ឋមន្ត្រី។
តាមលិខិតដែលដាក់ស្នើទៅនាយករដ្ឋមន្ត្រី ការរៀបចំបង្កើតឲ្យមានខេត្តថ្មីទាំងពីរនេះ នឹងធ្វើឲ្យចប់សព្វគ្រប់នៅខែមករា ឆ្នាំ២០១៩ ដើម្បីទុកពេលវេលាសមស្របសម្រាប់រាជរដ្ឋាភិបាលកំណត់ចំនួនអាសនៈក្រុមប្រឹក្សារាជធានី ខេត្ត ក្រុង ស្រុក ខណ្ឌ សម្រាប់ការបោះឆ្នោតជ្រើសរើសក្រុមប្រឹក្សារាជធានី ខេត្ត ក្រុង ស្រុក ខណ្ឌអាណត្តិទី៣ ដែលតាមអាណត្តិកំណត់ក្នុងច្បាប់ គឺក្នុងអំឡុងខែឧសភា ឆ្នាំ២០១៩។
យ៉ាងណាក្ដីឈ្មោះខេត្តថ្មីទាំងពីរ ក្រសួងមហាផ្ទៃនៅមិនទាន់បានទម្លាយឲ្យឲ្យដឹងនៅឡើយទេ៕
