- 2018-09-07 03:40:33
- ព័ត៌មាន
កូរ៉េទាំង២ នឹងជួបគ្នាម្តងទៀត រយៈពេល៣ថ្ងៃ និយាយរឿងនុយក្លេអ៊ែរ
- 2018-09-07 03:40:33
- ចំនួនមតិ 0 | ចំនួនចែករំលែក 0
កូរ៉េទាំង២ នឹងជួបគ្នាម្តងទៀត រយៈពេល៣ថ្ងៃ និយាយរឿងនុយក្លេអ៊ែរ
ចន្លោះមិនឃើញ
មេដឹកនាំកូរ៉េទាំង២ នឹងធ្វើកិច្ចប្រជុំកំពូលមួយ នៅក្នុងទីក្រុងព្យុងយ៉ាង នាខែកញ្ញានេះ ខណៈលោក គីម ជុងអ៊ុន បានបន្តការប្តេជ្ញាចិត្តរបស់ខ្លួន ចំពោះការលុបបំបាត់អាវុធនុយក្លេអ៊េរ នៅឧបទ្វីបកូរ៉េ។
សេចក្ដីប្រកាសនៃកិច្ចប្រជុំកំពូលលើកទី៣ រវាងមេដឹកនាំកូរ៉េខាងជើង លោក គីម ជុងអ៊ុន និងប្រធានាធិបតីកូរ៉េខាងត្បូង លោក មូន ជេអ៊ីន ដែលនឹងធ្វើឡើងនៅថ្ងៃទី ១៨ ដល់ ២០ កញ្ញា ២០១៨ នេះ បានកើតឡើងបន្ទាប់ពីសហរដ្ឋអាមេរិក ទាមទារឲ្យរដ្ឋាភិបាលក្រុងព្យុងយ៉ាងប្រគល់បញ្ជីឈ្មោះរោងចក្រ និងសព្វាវុធនុយក្លេអ៊ែររបស់ខ្លួន តែកូរ៉េខាងជើងបែរជាស្នើឲ្យអាមេរិកប្រកាសការបញ្ចប់សង្គ្រាមនៅកូរ៉េជាមុនសិន។
ទីប្រឹក្សាសន្តិសុខជាតិកូរ៉េខាងត្បូង លោក Chung Eui-yong បានប្រាប់អ្នកយកព័ត៌មានថា មេដឹកនាំទាំង២ នឹងជួបគ្នានៅក្នុងរដ្ឋធានីរបស់កូរ៉េខាងជើង ដើម្បីពិភាក្សាអំពី «វិធានការជាក់ស្ដែងក្នុងការលុបបំបាត់នុយក្លេអ៊ែរ»។
លោក Chung Eui-yong បានប្រាប់ឲ្យដឹងនៅថ្ងៃទី៦ កញ្ញា ថា លោក គីម ជុងអ៊ុន បានទទួលយកសំណើរបស់លោក មូន ជេអ៊ីន ដើម្បីបង្កើតជំនួបកំពូលនេះឡើង។
លោក Chung បានបញ្ជាក់បន្តថា ប្រទេសកូរ៉េទាំង២ នឹងពិភាក្សាគ្នាអំពីស្ថិរភាពសន្តិភាពនៅឧបទ្វីបកូរ៉េ ជាពិសេសនោះគឺការអនុវត្តវិធានការរំលាយកម្មវិធីនុយក្លេអ៊ែរ។ លោកបន្ថែមទៀតថា លោក គីម មានគោលជំហររឹងមាំក្នុងការកម្ទេចចោលនុយក្លេអ៊ែរទាំងស្រុងពីឧបទ្វីបកូរ៉េ ហើយលោកមានឆន្ទៈក្នុងការសហការជាមួយអាមេរិក និងកូរ៉េខាងត្បូង៕
ចុចអាន៖