យុវជនមួយក្រុមបានមេដាយលេខ១ ការប្រកួតប្រជែងវីដេអូអប់រំស្តីអំពីសិទ្ធិមនុស្សរបស់ OHCHR ប្រចាំឆ្នាំ២០១៩

2019-12-09 02:07:46
ព័ត៌មាន

2019-12-09 02:07:46
ចំនួនមតិ 0 | ចំនួនចែករំលែក 0

ចន្លោះមិនឃើញ

យុវជនមួយក្រុមបានទទួលពានរង្វាន់លេខ១ ក្នុងការប្រកួតប្រជែងវីដេអូអប់រំស្ដីអំពីសិទ្ធិមនុស្សរបស់អង្គការ UNHR ប្រចាំកម្ពុជាឆ្នាំ២០១៩ ខណៈពានរង្វាន់នេះត្រូវបានប្រគល់កាលពីថ្ងៃសៅរ៍ ចុងសប្ដាហ៍មុននេះ នៅស្តាតអូឡាំពិក។ ផលិតករវ័យក្មេងទាំងនោះមានយុវជន ឈឿន ស៊ុនឡេង កញ្ញា សី ចរិយា កញ្ញា ឈូកឆេងអួយ កញ្ញា ឈឿន ស៊ីវម៉ី និងកញ្ញា ជន សោភ័ណ្ឌ ។

មានរយៈពេលជាង ៦ នាទី វីដេអូអប់រំមួយនេះ ក្រោមប្រធានបទ "អំពើហិង្សាដោយមហាជន ” បានពិពណ៌នាពីស្ត្រីម្នាក់បានបាត់បង់កូនប្រុសជាទីស្រលាញ់ ដោយសារការយល់ច្រឡំថា ជាចោរ និងត្រូវបានប្រើហិង្សាដោយមហាជន ហើយទម្លាក់ចូលទឹកស្លាប់យ៉ាងអាណោចអធមបំផុត។

យុវជន ឈឿន ស៊ុនឡេង តំណាងក្រុមបាន Sabay ឱ្យដឹងថា វីដេអូនេះត្រូវបានផលិតឡើងជិត៣ខែ និងមានការគាំទ្រពីការិយាល័យឧត្ដមស្នងការអង្គការសហប្រជាជាតិ (អ.ស.ប.) ទទួលបន្ទុកជនភៀសខ្លួន (UNHCR)ប្រចាំកម្ពុជា ក្នុងគោលបំណងផ្សព្វផ្សាយឱ្យមានការដោះស្រាយបញ្ហានានា នៅក្នុងសង្គម ដោយស្នើទៅស្ថាប័នរដ្ឋដូចជា ក្រសួងព័ត៌មានអាចជួយផ្សព្វផ្សាយ អំពីផលអវិជ្ជមាននៃការប្រើប្រាស់ហិង្សាមហាជន និងជំរុញឱ្យមានការចូលរួមពីប្រជាពលរដ្ឋ ទប់ស្កាត់បញ្ហាហិង្សាគ្រប់រូបភាព។ ប្រជាជនកម្ពុជាបច្ចុប្បន្នមានបញ្ហាកង្វះចំណេះដឹងទាក់ទងនឹងការប្រព្រឹត្តិអំពើហិង្សា ដោយមហាជនទៅលើជនសង្ស័យ។

កាលពីថ្ងៃទី០៧ ធ្នូ កន្លងមកនេះ ការិយាល័យសិទ្ធិមនុស្សអង្គការសហប្រជាជាតិសហការជាមួយគគណៈកម្មាធិការសិទ្ធិមនុស្សកម្ពុជា ក្រុមអង្គការសហប្រជាជាតិប្រចាំប្រទេសកម្ពុជា និងប្រតិភូសហភាពអឺរ៉ុប បានរៀបចំអបអរសាទរទិវាសិទ្ធិមនុស្សអន្តរជាតិ ១០ ធ្នូ នៅពហុកីឡាដ្ឋានជាតិអូឡាំពិក ក្រោមមូលបទ “យុវជនក្រោកឡើង ដើម្បីសិទ្ធិមនុស្ស”។ ព្រឹត្តិការណ៍នេះបានជួយរំលេចពីតួនាទីដឹកនាំរបស់យុវជន ដែលជាប្រភពនៃការជំរុញឲ្យមានអនាគតមួយកាន់តែប្រសើរ។

យុវជនឈឿន ស៊ុនឡេង បានបង្ហាញអារម្មណ៍រីករាយ និងមិននឹកស្មានថា អាចទទួលបានមេដាយលេខនោះឡើយ ហើយបានផ្កាំផ្ញើទៅប្រជាពលរដ្ឋទាំងអស់ឈប់ប្រើអំពើហិង្សាគ្រប់រូបភាព ដែលកើតមានឡើង ក្នុងសង្គម។