- 2019-12-13 11:01:46
- ព័ត៌មាន
គំរូល្អមែន! សាលាអន្តរជាតិមួយបរិច្ចាគថវិកាសប្បុរសធម៌លើកទី៥ ជូនមូលនិធិគន្ធបុប្ផា
- 2019-12-13 11:01:46
- ចំនួនមតិ 0 | ចំនួនចែករំលែក 0
គំរូល្អមែន! សាលាអន្តរជាតិមួយបរិច្ចាគថវិកាសប្បុរសធម៌លើកទី៥ ជូនមូលនិធិគន្ធបុប្ផា
ចន្លោះមិនឃើញ
កាលពីថ្ងៃសុក្រ ទី១៣ ធ្នូ ២០១៩កន្លងទៅនេះ លោក លី វីរៈ ប្រធានក្រុមប្រឹក្សាអភិបាល របស់សាលាអន្តរជាតិ វេសវីយូកម្ពុជា និងសាលាអន្តរជាតិ លើននីងចាំហ្គល ព្រមទាំងក្រុមការងារបានយកថវិកាសប្បុរសធម៌ចំនួន ៩,000.00 ដុល្លារ (ប្រាំបួនពាន់ដុល្លារអាមេរិក) ប្រគល់ជូនមូលនិធិគន្ធបុប្ផាកម្ពុជាជាស្ថាពរហើយ ។ នេះជាលើកទី ៥ ហើយដែលសាលាអន្តរជាតិ ខាងលើបានប្រមូលថវិកាសប្បុរសធម៌ជូនទៅ ដល់មន្ទីរពេទ្យគន្ធបុប្ផាដើម្បីបន្តជួយសង្គ្រោះជីវិតកុមារកម្ពុជា។
ឆ្នាំនេះ ថវិកាសប្បុរសធម៌ខាងលើ រួមមានថវិកាសរុបចំនួន ៥,០០០ដុល្លារ (ប្រាំពាន់ដុល្លារអាមេរិក) ដែលប្រមូលបានពីការលក់សំបុត្រចូលរួមកម្មវិធី ចែកសញ្ញាប័ត្រ និងការសម្ដែងសិល្បៈរបស់សិស្សានុសិស្ស ទៅមាតាបិតា និងអាណាព្យាបាលសិស្ស ព្រមទាំងបុគ្គលិកគ្រប់ជាន់ថ្នាក់ និងបន្ថែមចំនួន ៤០០០ដុល្លារ ជាថវិកាផ្ទាល់ខ្លួនរបស់លោក លី វីរៈ។
ហើយឆ្នាំក្រោយៗទៀតសាលាទាំង២នេះ នឹងបន្តជួយចូលរួមបរិច្ចាគថវិកាបន្ថែមទៀតដើម្បីចូលរួមចំណែកជួយទៅដល់កុមារកម្ពុជាមួយចំនួនដែលខ្វះខាតថវិកា ក្នុងការជួយសង្គ្រោះជីវិតជាចាំបាច់។
ការរៀបចំកម្មវិធីរៃអង្គាសថវិកាសប្បុរសធម៌នេះត្រូវបានផ្ដួចផ្ដើមឡើងដោយលោក លី វីរ ប្រធានក្រុមប្រឹក្សាភិបាល របស់ សាលាអន្តរជាតិ វេសវិយូ កម្ពុជា និង សាលាអន្តរជាតិ លើននីង ចាំងហ្គល ក្នុងគោលបំណងបណ្ដុះសិស្សនូវវប្បធម៌ចេះចែករំលែក ជាពិសេសការជួយទៅអ្នកដែលទន់ខ្សោយជាង និងមានជីវភាពខ្វះខាត ដើម្បីឲ្យពួកគេទទួលបានការជួយសង្គ្រោះ ជីវិតដែលមានប្រសិទ្ធិភាព និងទាន់ពេលវេលា។
មកទល់ពេលនេះ សាសាអន្តរជាតិ វេសវីយូ កម្ពុជា (Westview Cambodian International School) និងសាលាអន្តរជាតិ លើននីង ចាំងហ្គល (Learning Jungle international School) បានធ្វើការបរិច្ចាគសរុបជាង ៣៤០០០.០០ដុល្លារ ( បីម៉ឺនបួនពាន់ដុល្លារអាមេរិក) ជូនដល់មន្ទីពេទ្យគន្ធបុប្ផារួចមកហើយ។ ហើយឆ្នាំក្រោយៗ ទៀតសាលាទាំង ២នេះ នឹងបន្តជួយចូលរួមបរិច្ចាគថវិកាបន្ថែម ទៀតដើម្បីចូលរួមចំណែក ជួយដល់កុមារកម្ពុជាមួយចំនួនដែលខ្វះខាតថវិកាក្នុងការជួយសង្គ្រោះ ជីវិតជាចាំបាច់។
សាលាអន្តរជាតិ វេសវីយូ កម្ពុជា គឺជាការពង្រីកដល់កម្រិតមធ្យមសិក្សា (ថ្នាក់ទី៧ ដល់ទី១២) បន្តពីសាលាអន្តរជាតិ លើននីង ចាំងហ្គលដែលផ្តល់ការអប់រំពីមត្តេយ្យ ទៅកម្រិតបឋមសិក្សាតែប៉ុណ្ណោះ។ សាលាអន្តរជាតិទាំងពីរនេះ មានក្រុមគ្រូបង្រៀនសុទ្ធតែមានអាជ្ញាបណ្ណបង្រៀន និងបទពិសោធន៍បង្រៀនមធ្យមសិក្សាមកពីសហរដ្ឋអាមេរិក និងក្រៅប្រទេស និងក្រុមសិក្សាធិការដែលសុទ្ធតែមានគុណវឌ្ឍខ្ពស់ទាំងក្នុង និងក្រៅប្រទេសដើម្បីធ្វើការតាមដានការសិក្សារបស់សិស្ស និងជួយការរៀនសូត្រពួកគាត់ឲ្យកាន់តែប្រសើរឡើង។ សាលាឈរលើស្តង់ដារការអប់រំប្រកបដោយគុណភាពពិត និងសម្រួចសិស្សានុសិស្ស ឲ្យមានសមត្ថភាពប្រកួតប្រជែងទាំងក្នុងស្រុក និងលើឆាកអន្តរជាតិ។
សម្រាប់ព័ត៌មានបន្ថែម របស់សាលាអន្តរជាតិ វេសវីយូ កម្ពុជា សូមទំនាក់ទំនងមកលេខ៖០៩៥ ២២២ ៩៩៣ និង ០៩៥ ៦៦៦ ៩៩៣។ សាលាអន្តរជាតិ លើននីង ចាំងហ្គល សូមទំនាក់ទំនងមកលេខ៖ ០៩៥ ២២២ ៥៥៧, ០៩៥ ២២២ ៥៥៨៕