- 2020-02-14 02:58:12
- ព័ត៌មាន
មកស្គាល់ នាវាយក្សទាំង៩ មានសមត្ថភាពអស្ចារ្យបំផុត លើពិភពលោក
- 2020-02-14 02:58:12
- ចំនួនមតិ 0 | ចំនួនចែករំលែក 0
មកស្គាល់ នាវាយក្សទាំង៩ មានសមត្ថភាពអស្ចារ្យបំផុត លើពិភពលោក
ចន្លោះមិនឃើញ
មនុស្សបានឆ្លងកាត់មហាសមុទ្រតាមរយៈកប៉ាល់ និងនាវា តាំងពី ៣០០០ ឆ្នាំមុនគ្រិស្តសករាជមកម្ល៉េះ។ សព្វថ្ងៃនេះ កប៉ាល់កម្សាន្តពាណិជ្ជកម្មធំបំផុតលើពិភពលោក គឺកប៉ាល់ដែលមានឈ្មោះថា Harmony of the Seas មានប្រវែង ៣៦២ ម៉ែត្រ អាចផ្ទុកអ្នកដំណើរបាន ៦ ៧៨០ នាក់ឯណោះ។
ចំណែកឯកប៉ាល់ដឹកកុងតឺន័រធំបំផុតលើពិភពលោក គឺកប៉ាល់ដែលមានឈ្មោះថា Chinese CSCL Globe មានប្រវែង ៤០០ ម៉ែត្រ និងអាចដឹកកុងតឺន័រ ប្រវែង ៦០ ម៉ែត្រ រហូតដល់ទៅ ១៩ ១០០ គ្រឿង។ ពិតណាស់ កប៉ាល់ទាំងនេះបានធ្វើឲ្យ កប៉ាល់ Titanic មើលទៅតូច ដូចជាប្រដាប់ប្រដាក្មេងលេងអីចឹង។
ខាងក្រោមនេះគឺជាកប៉ាល់យក្សទាំង ៩ គ្រឿង ដែលមានទំហំធំបំផុតលើពិភពលោក៖
#១ នាវាដឹកកប៉ាល់ The Blue Marlin៖ មានប្រវែង ២១៧ ម៉ែត្រ និងជម្រៅ ៤២ ម៉ែត្រ អាចដឹកកប៉ាល់ដទៃទៀត ដែលមានទម្ងន់រហូតដល់ទៅ ៧៥ ០០០ តោន។
#២ នាវាដឹកប្រេង Thunder Horse៖ អាចដឹកប្រេងទម្ងន់រហូតដល់ទៅ ៥៩ ៥០០ តោន។
#៣ កប៉ាល់ The Seawise Giant៖ មានប្រវែង ៤៥៨ ម៉ែត្រ អាចដឹកបាន ៦៥៧ ០១៩ តោន។
#៤ កប៉ាល់ដឹកកុងតឺន័រធំបំផុតលើពិភពលោក Chinese CSCL Globe៖ មានប្រវែង ៤០០ ម៉ែត្រ អាចដឹកកុងតឺន័រ ប្រវែង ៦០ ម៉ែត្រ រហូតដល់ទៅ ១៩ ១០០ គ្រឿង។
#៥ កប៉ាល់ Kapitan Khlebnikov៖ មានសមត្ថភាពពិសេសអាចបើកនៅក្រោមអាកាសធាតុត្រជាក់ខ្លាំង និងបើកឆ្លងកាត់ផ្ទាំងទឹកកកក្រាស់ៗបាន។
#៦ កប៉ាល់កម្សាន្តពាណិជ្ជកម្មធំបំផុតលើពិភពលោក Harmony of the Seas៖ មានប្រវែង ៣៦២ ម៉ែត្រ អាចផ្ទុកអ្នកដំណើរបានដល់ទៅ ៦ ៧៨០ នាក់ឯណោះ។
#៧ កប៉ាល់ដឹកឡានធំបំផុតលើពិភពលោក Hoegh Target៖ មានទំហំស្មើតារាងបាល់ទាត់ ១០ ដង អាចដឹកឡានចំនួន ៨ ៥០០ គ្រឿង។
#៨ កប៉ាល់ Ovation of the Seas៖ ទម្ងន់ ២២៧ ០០០ តោន មាន ១៨ ជាន់ សរុប ២ ០៩១ បន្ទប់ អាចដឹកអ្នកដំណើររហូតដល់ទៅ ៦ ៧៨០ នាក់។
#៩ នាវាដឹកទំនិញ COSCO៖ មានប្រវែង ៣៦៥ ម៉ែត្រ អាចដឹកកុងតឺន័រ ប្រវែង ៦ ម៉ែត្រ ចំនួន ១៣ ០០០ គ្រឿង៕
http://www.dailymail.co.uk/travel/travel_news/article-4701240/The-world-s-largest-ships-CSCL-Globe-Blue-Marlin.html
