- 2018-01-16 02:03:57
- ជំនឿ
កុំចេះតែដាក់ផើងផ្កាក្នុងផ្ទះមិនដឹងទីតាំង បើមិនចង់ជួបរឿងចង្រៃ
- 2018-01-16 02:03:57
- ចំនួនមតិ 0 | ចំនួនចែករំលែក 0
កុំចេះតែដាក់ផើងផ្កាក្នុងផ្ទះមិនដឹងទីតាំង បើមិនចង់ជួបរឿងចង្រៃ
ចន្លោះមិនឃើញ
ផើងផ្កាយើងមិនត្រឹមប្រើអាចដាក់ក្រៅផ្ទះទេតែគេក៏អាចដាក់លម្អក្នុងគេហដ្ឋានជួយលើករាសីផងដែរ។ ទោះបីយ៉ាងណាជំនឿចាស់បុរាណជឿថា ផ្កាដែលមានបន្លាក៏ត្រូវបានគេហាមដាក់នៅក្នុងផ្ទះសម្បែងផងដោយសារថាវានឹងនាំមកនូវជោគអាក្រក់ទៅវិញទេ។
លោក កៅ សារ៉ន ព្រឹទ្ធាចារ្យថែរក្សាគម្ពីរស្លឹករឹតនៃបណ្ណាល័យជាតិបានឲ្យដឹងថា តាមក្បួនតម្រាដែលបុព្វបុរសខ្មែរបានចងក្រងក្នុងគម្ពីរស្លឹករឹត ការៀបចំផើងបានត្រឹមត្រូវនឹងធ្វើឲ្យគ្រួសាររស់នៅបានសេចក្ដីសុខដុមរមនា។
លោកព្រឹទ្ធាចារ្យបន្តថា ផើងផ្កាគេអាចដាក់នៅជ្រុងណាមួយដែលមានចន្លោះប្រហោងឬគេយល់ថានាំមកនូវមកជោគមិនល្អដល់យើង។ តួយ៉ាងបើសិននៅក្នុងផ្ទះរបស់យើងមានសរសរបួនជ្រុង ដោយមានខាងមុំជ្រុងណាមួយបែរមករកគ្រែឬបែរចំមកកន្លែងអង្គុយលេងក្នុងគ្រួសាររបស់យើងឬមានចន្លោះប្រហោងដែលមើលទៅមិនល្អ។ បើជួបបញ្ហាបែបនេះឱ្យយកផើងផ្កាទៅដាក់ត្រង់កន្លែងនោះដើម្បីលុបជ្រុងមុំឬកន្លែងប្រហោងនោះនឹងធ្វើឱ្យលែងឃើញជ្រុងពិឃាតឧបទ្រពបន្តទៅទៀត។
ក្រៅពីនេះយើងអាចយកផើងផ្កាប្រភេទតូចៗដែលមានពណ៌ក្រហមឬពណ៌ស,ពណ៌ស៊ីជម្ពូយកទៅដាក់នៅត្រង់បន្ទប់ដេកនោះ វាតែងជួយលើករាសីបានយ៉ាងល្អដូចគ្នា។ លោកគ្រូបញ្ជាក់ថា ត្រូវចងចាំថាផើងផ្កាមិនត្រឹមតែជារបស់តាំងលម្អដ៏ស្អាតស្រស់ត្រកាលទេ វាក៏ជារបស់ប្រើសម្រាប់បំបាត់ឧបទ្រពចង្រៃក្នុងផ្ទះសម្បែងទៀតផង៕
