- 2018-02-01 04:27:28
- ជំនឿ
តិចទៅនឹកឃើញដូរកំប៉ុងជើងធូបកុងម៉ា ថ្ងៃសែនចូលឆ្នាំចិន ចប់ហ្មង
- 2018-02-01 04:27:28
- ចំនួនមតិ 0 | ចំនួនចែករំលែក 0
តិចទៅនឹកឃើញដូរកំប៉ុងជើងធូបកុងម៉ា ថ្ងៃសែនចូលឆ្នាំចិន ចប់ហ្មង
ចន្លោះមិនឃើញ
តាមប្រពៃណីរបស់ជនជាតិចិន ឬអ្នកជាប់សែស្រឡាយចិន ឱ្យតែថ្ងៃចូលឆ្នាំមកដល់ គ្រួសារនីមួយៗតែងជួបជុំបងប្អូន សាច់ញាតិ រៀបចំពិធីសែនព្រេន ដល់កុងម៉ាដែលបានចែកឋានទៅដើម្បីសុំសេចក្ដីសុខសួស្ដី។ ទំនៀមទម្លាប់របស់ដូនតាចិន ប្រសិនបើប្ដូរជើងធូបថ្មី ដើម្បីរៀបចំសែនព្រេនជូនកុងម៉ា ត្រូវដឹងក្បួនតម្រាច្បាស់លាស់ទើបមានហុងស៊ុយ។
បើតាមលោកតា ស៊ុយ ទ្រី ជាកូនចៅចិនច្រើនជំនាន់ បានប្រាប់ថា បើសិនជាកូនចៅចង់បំបែកកំប៉ុងជើងធូបយកទៅសែនផ្សេង ដាច់ខាតត្រូវតែធ្វើមុនថ្ងៃសែនមួយថ្ងៃ មិនមែនដល់ថ្ងៃសែនទើបនឹកឃើញចង់ប្ដូរនោះទេ។ លោកតា បន្តទៀតថា អ្នកខ្លះដឹងមិនច្បាស់គិតថាថ្ងៃសែនទើបគេប្ដូរ គឺមិនត្រឹមត្រូវទេ ហើយខុសពីក្បួនតម្រារបស់ដូនតាចិនតែម្ដង។ នៅក្នុងប្ដូរជើងធូបនោះ លោកតា ស៊ុយ ទ្រី ប្រាប់ទៀតថា មិនត្រូវបំបែកពេលថ្ងៃត្រង់ទេ គឺត្រូវធ្វើពេលព្រឹកចន្លោះពីម៉ោង ៨ ទៅដល់ម៉ោង ៩កន្លះ មិនឱ្យដល់ម៉ោង១១ ឬម៉ោង១២ទេ ព្រោះថ្ងៃត្រង់ ចិនគិតថាជាពេលដែលខ្មោចមិននៅ។
លោកតាក៏បញ្ជាក់ផងដែរថា បើតាមក្បួនតម្រាចិនតជំនាន់រាប់ពាន់ឆ្នាំមកហើយ ពេលដូរកំប៉ុងជើងធូបថ្មី គឺត្រូវដកជើងធូបចាស់ពីរបីសរសៃមកដោត។ តាមក្បួនចិនសែ គេគិតថាធ្វើបែបនេះគឺមានន័យថា ឱ្យរឿងមិនល្អទាំងឡាយទៅតាមជើងធូបឆ្នាំចាស់ឱ្យអស់ ហើយនឹងនាំមកនូវលាភសំណាងតាមជើងធូបក្នុងឆ្នាំថ្មីវិញ៕
ចុចអាន៖
