• 2018-11-01 09:58:01
  • ចរាចរណ៍

ដំណឹង​ល្អ! លោក ហ៊ិន រតនា នឹង​ត្រលប់​មក​ខ្មែរ​វិញ នៅ​ថ្ងៃ​ស្អែក​នេះ

  • 2018-11-01 09:58:01
  • ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយ​ពី​វះកាត់​ឆ្អឹង​ខ្នង​លើក​ទី២ ជោគជ័យ​នៅ​ប្រទេស​ថៃ គ្រូ​បង្វឹក​សុនខ​របស់​ខ្មែរ​ល្បី​លំដាប់​អន្តរជាតិ​ លោក ហ៊ិន រតនា ត្រឡប់​មក​កាន់​មក​កម្ពុជា​វិញ​នៅ​ថ្ងៃ​ស្អែក​នេះ។ នេះ​បើ​យោង​តាម​សារ​ខ្លី​មួយ​របស់​លោក រតនា បង្ហោះ​នៅ​លើ​គណនី​ផ្ទាល់​ខ្លួន។

លោក ហ៊ិន រតនា គ្រូបង្វឹកសុនខរបស់ខ្មែរ ល្បីល្បាញ​លំដាប់​ពិភពលោក

សូមចុចអាន៖ ដំណឹង​ល្អ! ក្រោយ​វះកាត់ គ្រូ​បង្វឹក​សុនខ​បាន​ធូរស្រាល​ច្រើន

នេះជា​សារ​របស់​លោក ហ៊ិន រតនា បង្ហោះ​លើ​គណនី​ហ្វេសបុក​របស់​លោក ដែល​ប្រកាស​មក​ដល់​កម្ពុជា​ស្អែក​នេះ

ប្រសិន​បើ​មិន​មាន​ការ​ប្រែប្រួល​នោះ​ទេ លោក ហ៊ិន រតនា នឹង​មក​ដល់​ព្រលាន​យន្តហោះ​អន្តរជាតិ​ភ្នំពេញ នៅ​វេលា​ម៉ោង​ ៤:៣០ នាទី​រសៀល ថ្ងៃ​ទី ០២ ខែ​តុលា ឆ្នាំ ២០១៨។

លោក ហ៊ិន រតនា បាន​ជួប​គ្រោះថ្នាក់ចរាចរណ៍​នៅ​ថ្ងៃ​ទី ២៥ ខែសីហា ២០១៨ និង​ត្រូវ​បាន​យក​ត្រូវ​សង្គ្រោះបន្ទាន់​នៅ​ប្រទេស​​ថៃ នៅ​ថ្ងៃទី ៣០ សីហា ។ ដូច្នេះគិតចាប់​ពី​ចេញ​ទៅ​ព្យាបាល​នៅ​ប្រទេស​ថៃ មក​ដល់​ពេល​នេះ​ចំណាយ​ពេល​ប្រមាណ​ជា ២ខែ ដោយ​បាន​ចំណាយ​ប្រាក់​ខ្ទង់ម៉ឺន​ដុល្លារ។

ដូច្នេះ​ចង់​ដឹង​ថា តើ​ស្ថានភាព​លោក​ ហ៊ិន រតនា បាន​ធូរ​ស្រាល​កម្រិត​ណា ឬ មាន​មតិ​អ្វី​ដើម្បី​និយាយ​ទៅ​កាន់​មហាជន​ដែល​ធ្លាប់​បាន​ចូលរួម​មូលនិធិ​ព្យាបាល​រតនា កន្លង​មក​បែប​ណា​នោះ កុំ​ភ្លេច​តាម​ដាន​ព័ត៌មាន​ Sabay គឺ​ក្រុម​ការងារ​នឹង​ទៅ​ផ្សាយ​ផ្ទាល់​ពី​ព្រលាន​យន្តហោះ​​តែម្ដង៕

ចង់ដឹងព័ត៌មាន​ច្រើន​ទៀតពី លោកគ្រូ ហ៊ិន រតនា ចុចមើលអត្ថបទខាងក្រោម៖

អត្ថបទ៖ ប៊ិន ប៊ុណ្ណា

មតិយោបល់