- 2019-07-06 10:25:00
- ចរាចរណ៍
ផ្លូវចម្លែក និង គ្រោះថ្នាក់បំផុតទាំង៥នៅលើពិភពលោក
- 2019-07-06 10:25:00
- ចំនួនមតិ 0 | ចំនួនចែករំលែក 0
ផ្លូវចម្លែក និង គ្រោះថ្នាក់បំផុតទាំង៥នៅលើពិភពលោក
ចន្លោះមិនឃើញ
ឆ្លងកាត់ផ្លូវទាំងនេះ ធានាថាអ្នកនឹងឡើងសម្ពាធឈាមមិនខាន។ ខាងក្រោមនេះគឺជាផ្លូវចម្លែក និង គ្រោះថ្នាក់បំផុត ៥ កន្លែងដែលអាចនឹងធ្វើឲ្យអ្នករំភើប ហើយវាក៏ជាផ្លូវដ៏គ្រោះថ្នាក់ផងដែរ។
១ ស្ពានស្រវឹង
ជាស្ពាននៅភាគខាងលិចប្រទេសន័រវ៉េស ដែលភ្ជាប់ពីដីគោក នៅកាន់កោះអាវ៉េរ៉ូ (Avero)។ ស្ពាននេះមានប្រវែងត្រឹមតែ ២៦០ ម៉ែត្រប៉ុណ្ណោះ ប៉ុន្តែកន្លែងខ្លះកោងពត់ពេនដូចសួនកំសាន្ត Disneyland គួរឲ្យស្រៀវ។ ដូច្នោះហើយទើបគេឲ្យឈ្មោះថា "ស្ពានស្រវឹង"។
២ ផ្លូវដែលបត់ឆ្វេងស្តាំចំនួន៩៩ដង
ផ្លូវដែលភ្ជាប់ពីវាំងចិន ឆាងចូវ ទៅកាន់ ភ្នំធានណាមិន ( Tiananmen) មនុស្សភាគច្រើនហៅវាថាជា "ផ្លូវទៅស្ថានសួគ៌" ។ ផ្លូវនេះចំណុចដែលទាបបំផុតក៏មានកម្ពស់២០០ម៉ែត្រពីនីវ៉ូទឹកសមុទ្រដែរ ហើយកន្លែងដែលខ្ពស់បំផុតមានកម្ពស់រហូតដល់ ១,៣០០ ម៉ែត្រ ហើយទម្រាំតែទៅដល់កំពូលត្រូវបត់ឆ្វេងស្តាំចំនួន៩៩ដង។
៣ ផ្លូវពស់
ផ្លូវ Paso-de-Los-Caracoles ឬ ផ្លូវពស់ ដែលភ្ជាប់ពីកំពង់ផែប្រទេសឈីលី ទៅកាន់ប្រទេសអាហ្សង់ទីន ជាផ្លូវដែលមានរយៈកម្ពស់ខុសគ្នារហូតដល់ ២,៤០០ ម៉ែត្រ ពោលគឺនៅចំណុចទាបបំផុត មានកម្ពស់ ៨០០ ម៉ែត្រពីនីវ៉ូទឹកសមុទ្រ និង កន្លែងខ្ពស់បំផុតរហូតដល់ទៅ ៣,២០០ ម៉ែត្រ។
ប៉ុន្តែនេះមិនមែនជាបញ្ហាធំបំផុតទេ។ អ្វីដែលសំខាន់ ផ្លូវនេះភាគច្រើនតែងគ្របដណ្ដប់ទៅដោយ ព្រិល និង ទឹកកកហើយអ្នកបើកបរត្រូវបត់បែនផ្លូវកោង ២៩ ដង។
៤ ផ្លូវទឹកកក
តាមពិតទៅផ្លូវទឹកកកវាធម្មតាទៅហើយសម្រាប់ប្រទេសធ្លាក់ទឹកកក។ ប៉ុន្តែផ្លូវមួយនេះ ដែលភ្ជាប់រវាងទីក្រុង Inuik និង Tucktjakutk ដែលមានប្រវែង ១៣០ គីឡូម៉ែត្រគឺជាផ្លូវដ៏គ្រោះថ្នាក់បំផុត។ វាជាផ្លូវដែលស្របជាមួយទន្លេ Mekenzie មានកន្លែងបត់បែនជាច្រើនរអិលប្រកបដោយគ្រោះថ្នាក់ ដែលអ្នកបើកបរត្រូវអត់ដង្ហើមផ្ចង់ស្មារតីបើកបរពីដើមរហូតដល់ចុងបញ្ចប់នៃផ្លូវ។
៥ ផ្លូវត្រង់វែងបំផុត
ស្រមៃមើលបើអ្នកត្រូវបើកបរលើផ្លូវ ២៥៦ គីឡូម៉ែត្រលើទិសដៅត្រង់ភ្លឹងគ្មានបត់សូម្បីម្តង។ ផ្លូវហាយវ៉េលេខ១០ របស់ប្រទេសអារ៉ាប៊ីសាអូឌីត ដែលចាប់ផ្តើមពីទីក្រុងហារ៉ាដបុរាណ និង ឆ្លងកាត់វាលខ្សាច់។ ជិះឆ្លងកាត់តំបន់នេះប្រហែលជាង២ម៉ោង ជាមួយនឹងទេសភាពដដែលៗ អាចធ្វើឲ្យអ្នកកើត depression ហើយមានអារម្មណ៍តានតឹងខ្លាំងនឹងផ្លូវប្រភេទនេះ៕
អាន៖ ប៉ុន្មានសន្លឹកថតសត្វចំពេលចៃដន្យ បង្កើតជារូបភាពចម្លែកដែលមិនអាចរៀបចំបាន