ស្រឡាញ់គ្នាយូរឆ្នាំធ្លាប់ចង់បង់រំលស់ផ្ទះរួមគ្នា មុនរៀបការអត់? នេះជាអ្វីដែលអ្នកគួរគិតឲ្យច្បាស់ជាមុន

2020-05-19 01:00:00
ស្នេហា

2020-05-19 01:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បច្ចុប្បន្នគេសង្កេតឃើញមានគូស្នេហ៍ជាច្រើន ដាក់គោលដៅទិញផ្ទះតាមរយៈការបង់រំលស់រួមគ្នា ដោយគូខ្លះសម្រេចចិត្តទិញផ្ទះរួមគ្នា សឹមរៀបការពេលក្រោយ ដោយឡែកខ្លះទៀត ក៏ចង់បំពេញមុខមាត់គ្រួសាររៀបការសិន ទើបសន្សំប្រាក់ទិញផ្ទះតាមក្រោយ។

យ៉ាងណាក្ដី អ្នកត្រូវគិតឲ្យបានស៊ីជម្រៅជាមុនសិន ថាតើគួរទិញផ្ទះមុនពេលរៀបការឲ្យហើយ ឬក៏ចាំរៀបការរួច សឹមទិញ? ខាងក្រោមនេះ គឺជាចំណុចដែលអ្នកជំនាញអចលនទ្រព្យណែនាំឲ្យពិចារណាជាមុន៖

១. ហិរញ្ញវត្ថុ

សំណួរដំបូងមុននឹងឈានដល់ការរួមរស់ជាមួយគ្នា តើអ្នកទាំងពីរមានលំនឹងហិរញ្ញវត្ថុគ្រប់គ្រាន់ហើយឬនៅ? រៀបការ ឬទិញផ្ទះ ក៏សុទ្ធតែត្រូវចំណាយប្រាក់ ហេតុនេះបញ្ហាហិរញ្ញវត្ថុគឺសំខាន់។ ឧបមាថា៖

បើអ្នកទាំងពីរជ្រើសរើសការរៀបការមុន អ្នកទាំងពីរត្រូវរៀបចំប្រាក់មួយឡែកតាមទំហំគ្រោងនឹងធ្វើពិធីមង្គលការ។ ឧទាហរណ៍ អ្នកកំណត់ពេល១ឆ្នាំសម្រាប់សន្សំប្រាក់រៀបការចំនួន ៥ ពាន់ដុល្លារ ដូច្នេះអ្នកនឹងដឹងថា ១ខែគួរសន្សំប៉ុន្មាន ដើម្បីគ្រប់ចំនួន។ នៅពេលរៀបការរួច អ្នកអាចទទួលចំណងខ្លះមកវិញ បូកផ្សំប្រាក់ដែលមានស្រាប់ ហើយបើខ្វះខាត អាចរកមធ្យោបាយផ្សេង ឬក៏អាចខ្ចីបន្ថែមពីគ្រួសារ ធនាគារ និងអាចបង់រំលស់ជាមួយម្ចាស់បុរីផ្ទាល់។

បើអ្នកទាំងពីរជ្រើសរើសទិញផ្ទះសិន ចាំរៀបការតាមក្រោយ អ្នកទាំងពីរត្រូវបង់រំលស់ផ្ទះជាមួយគ្នារាល់ខែ និងត្រូវសន្សំប្រាក់ដើម្បីរៀបការផងដែរ។ ការបង់រំលស់នៅតាមបុរីមួយចំនួន មានរយៈពេលចាប់ពី ១០ឆ្នាំឡើងទៅដល់ ២៥ឆ្នាំ សូមបញ្ជាក់ថា ការបង់រំលស់រយៈកាន់តែខ្លី អត្រាការប្រាក់កាន់តែខ្ពស់។ ដូច្នេះ ប្រសិនអ្នកទាំងពីរជ្រើសទិញផ្ទះបង់រំលស់គួរមានចំណូលចាប់ពី ១ពាន់ដុល្លារឡើងក្នុង១ខែ ដោយត្រូវលៃសម្រាប់រំលស់ផ្ទះប្រមាណ ៤០ ទៅ ៥០ភាគរយ និងដកសន្សំប្រាក់រៀបការ និងតម្រូវការប្រចាំថ្ងៃ។ ២. ការការពារ

ការពារហានិភ័យ ជារឿងដែលមិនគួររំលងចំពោះគូស្នេហ៍នីមួយៗ។ ប្រសិនបើអ្នកទាំងពីរសន្សំប្រាក់រៀបការរួមគ្នា គួរបង្កើតគណនីសន្សំនៅធនាគារដែលពេលកំណត់ និងប្រាក់សន្សំនេះអាចដកបាន លុះត្រាអ្នកទាំងពីរយល់ព្រមដូចគ្នា។ ប្រសិនបើអ្នកទាំងពីរទិញផ្ទះរួមគ្នា ត្រូវដាក់ឈ្មោះជាម្ចាស់ផ្ទះទាំងពីរ និងចំណាយស្នើគ្នា។ ម្យ៉ាងប្រសិនបើចង់រួមរស់ជាមួយគ្នាមុនរៀបការ អ្នកគួរមានអេតាស៊ីវិលត្រឹមត្រូវស្របច្បាប់ ដើម្បីការពារបញ្ហាថ្ងៃក្រោយ និងមានភាពងាយស្រួល អាចដោះស្រាយតាមផ្លូវច្បាប់។

ក្រៅពីនេះ លោកអ្នកក៏មិនគួររំលងកម្មវិធីលក់បញ្ចុះតម្លៃផងដែរ

ជាទូទៅ ការលក់អចលនទ្រព្យបញ្ចុះតម្លៃច្រើនធ្វើឡើងនៅក្នុងកម្មវិធីពិសេសណាមួយ។ សម្រាប់ឆ្នាំ ២០២០ នឹងមានការលក់អចលនទ្រព្យបញ្ចុះតម្លៃដ៏ធំបំផុតមិនធ្លាប់មានក្នុងប្រវត្តិសាស្រ្តរបស់កម្ពុជា ដែលមានឈ្មោះថា ព្រឹត្តិការណ៍លក់អចលនទ្រព្យបញ្ចុះតម្លៃអនឡាញ Black Friday Property Sale នៅថ្ងៃទី ១២ ខែមិថុនា វេលាម៉ោង ៤រសៀល ដល់ម៉ោង ៨យប់។

ដើម្បីទទួលបានការបញ្ចុះតម្លៃដ៏ច្រើនសន្ធឹកសន្ធាប់ពីព្រឹត្តិការណ៍ “Black Friday Property Sale” នេះ សូមចុចត្រង់នេះ ដើម្បីចុះឈ្មោះ (សូមប្រើកូដ “SABAY” នៅត្រង់ចំណុច Where did you hear first about the event? ដើម្បីទទួលបានការបញ្ចុះតម្លៃ)៕