- 2020-10-25 23:52:34
- ជំនឿ
៥ ចំណុចតាមក្បូនហុងស៊ុយ ស្រ្តីមានមុខមាត់បែបនេះ ឆ្អឹងអណ្ដែតអាចមានវាសនាក្លាយជាជំទាវ
- 2020-10-25 23:52:34
- ចំនួនមតិ 0 | ចំនួនចែករំលែក 0
៥ ចំណុចតាមក្បូនហុងស៊ុយ ស្រ្តីមានមុខមាត់បែបនេះ ឆ្អឹងអណ្ដែតអាចមានវាសនាក្លាយជាជំទាវ
ចន្លោះមិនឃើញ
មនុស្សកើតមកមានជោគវាសនាខុសៗគ្នា ដោយខ្លះបានខ្ពស់ត្រដែត ខ្លះទៀតបានត្រឹមធម្មតាៗ ឬមធ្យម។ មានក្បូនច្រើនណាស់ដែលអាចទស្សន៍ទាយដឹងពីជោគវាសនាដូចជាការទាយបាតដៃ ខែឆ្នាំកំណើត ឬ មើលតាមទម្រង់មុខអីជាដើម។ បើតាមក្បួនហុងស៊ុយចិនវិញ អាចមើលដឹងពីជោគជតាមនុស្សស្រីថាមានវាសនាខ្ពស់ដោយមើលលើ ៥ ចំណុចលើមុខនេះ៖
១. មុខស្មើគ្នាទាំងសងខាង
មនុស្សភាគច្រើនមានទម្រង់មុខមាត់មិនស្មើគ្នានោះទេ។ ទម្រង់មុខឆ្វេងស្ដាំស្មើគ្នាជាចំណុចទីមួយនៃទ្រព្យ។ តាមក្បួនហុងស៊ុយចិនមនុស្សស្រី ដែលមានវាសនាខ្ពស់គឺមានទម្រង់មុខមាត់ឆ្វេងស្ដាំស្មើគ្នា។ គេជឿថាមនុស្សស្រីមានមុខប្រភេទនេះធ្វើកិច្ចការអ្វីមួយដោយរលូន ហើយគ្មានឧបសគ្គមករារាំងបានឡើយ។
២. ថ្ងាសទូលាយ
ថ្ងាសទូលាយជាចំណុចទ្រព្យទី២ ។ តាមក្បួននិយាយថា មនុស្សស្រីដែលមានថ្ងាសធំទូលាយអាចយោងជោគជតាប្ដី ឲ្យរកស៊ីធូរ។ នារីមានថ្ងាសទូលាយបែបនេះ និងនាំមកនូវលាភសំណាង លុយកាក់ចូលក្នុងគ្រួសារហូរហែផងដែរ។
៣. ចុងច្រមុះធំមូល
ចំណែកចុងច្រមុះធំមូលក៏ជាចំណុចសម្បត្តិទី ៣ ដែរ។ ស្រីៗដែលមានចុងច្រមុះធំមូល មានវាសនាខ្ពស់ ហើយប្រុសណាបានធ្វើប្រពន្ធនិងរកសុីមានបានឡើងឋានៈស្រឺតៗ។
៤. ទម្រង់មាត់ខាងលើរាងមូលបេះដូង
ទម្រង់មាត់ខាងលើរាងបេះដូងនិងមានផ្នែកខាងចុងរាងមូល ជាចំណុចសម្បត្តិទី៤។ គេជឿថាមនុស្សស្រីមានទម្រង់មាត់របៀបនេះជាមនុស្សដែលមានសំណាងតាំងពីកំណើត ហើយមានជោគវាសនាខ្ពស់ មិនខ្វះទ្រព្យ មានសម្បត្តិស្ដុកស្ដម្ភ និងពេលមានកូន ក៏កូននោះនិងមានវាសនាល្អ ធំឡើងក្លាយជាសេដ្ឋី។
៥. ថ្ពាល់ពេញ
មនុស្សស្រីដែលមានថ្ពាល់ពេញ ឆ្អឹងថ្ពាល់ខ្ពស់ នឹងមានជោគវាសនាខ្ពស់អណ្ដែតដូចគ្នា។ មនុស្សស្រីប្រភេទនេះ និងអាចក្លាយជាសេដ្ឋីនៅថ្ងៃណាមួយដោយខ្លួនឯងដោយមិនចាំបាច់បានបុណ្យសំណាងអ្នកដទៃនោះទេ៕
