- 2017-01-26 09:09:26
- ជំនឿ
មមី មមែ ច កុរ ខែកុម្ភៈល្អលេខ១ ធ្វើរឿង៣យ៉ាងនេះ លាភសំណាងនឹងហូរចូលផ្ទះ
- 2017-01-26 09:09:26
- ចំនួនមតិ 0 | ចំនួនចែករំលែក 0
មមី មមែ ច កុរ ខែកុម្ភៈល្អលេខ១ ធ្វើរឿង៣យ៉ាងនេះ លាភសំណាងនឹងហូរចូលផ្ទះ
ចន្លោះមិនឃើញ
លោកតា កាំង សូយ គ្រូចិនសែដ៏ល្បីនៅខេត្តកំពង់ស្ពឺបានប្រាប់ថា ក្នុងខែកុម្ភៈ ឆ្នាំ២០១៧នេះ គឺជាធាតុភ្លើង ហើយឆ្នាំដែលល្អលេខ ១ក្នុងខែនេះមាន ដូចជា មមី មមែ ច ហើយនិងកុរ។ លោកតា បន្តទៀតថា អ្នកដែលកើតក្នុងឆ្នាំទាំងនេះនឹងមានលាភសំណាងហូរចូលផ្ទះ ការងារដែលខំប្រឹងធ្វើនឹងទទួលបានជោគជ័យ ប៉ុន្តែលោកតាប្រាប់ថា ដើម្បីឱ្យមានលាភសំណាងបន្ថែមទៀតនោះ គឺត្រូវធ្វើរឿង ៣យ៉ាង នោះទ្រព្យធននឹងកាន់តែកើនឡើង ហើយគង់វង្សយូរអង្វែង។
រឿងទាំង ៣យ៉ាងនោះរួមមាន៖
១. រកស៊ីឈើ
លោកតា កាំង សូយ ប្រាប់ថា អ្នកដែលកើតក្នុងឆ្នាំខាងលើ ប្រសិនបើមានដើមទុនរកស៊ីឈើគឺល្អលេខ១ ។ លោកតា បានបញ្ជាក់ថា រកស៊ីឈើនេះមិនមែនឱ្យទៅកាប់បំផ្លាញព្រៃឈើ រកស៊ីខុសច្បាប់នោះទេ គឺលក់គ្រឿងសង្ហារិម។ លោកតាប្រាប់ថា មូលហេតុបានគួរលក់ដូរគ្រឿងសង្ហារិមព្រោះឆ្នាំនេះ ជាធាតុភ្លើង ឈើចម្រើនភ្លើង បើរកស៊ីផ្នែកនេះ នឹងកាក់កបទទួលបានជោគជ័យជាមិនខាន។
២. សង់ផ្ទះ
គ្រូចិនសែ មានអាស្រមនៅខាងត្បូងផ្សារកំពង់ស្ពឺរូបនេះ ប្រាប់ទៀតថា ដោយសារឆ្នាំ២០១៧ គឺធាតុភ្លើង ដូចនេះអ្នកដែលកើតក្នុងឆ្នាំ មមី មមែ ច កុរ ជាមនុស្សធាតុមាស ធាតុទឹក ធាតុដី គឺល្អបំផុតប្រសិនបើចង់សង់ផ្ទះ។ លោកតា បន្តទៀតថា មនុស្សកើតក្នុងធាតុទាំងនេះ បើមានលុយសង់ផ្ទះក្នុងខែកុម្ភៈនេះគឺល្អលេខ១។
៣. ធ្វើចេតិយ
ដើម្បីមានលាភសំណាង រកស៊ីមានបាន ជាកូនកតញ្ញូ ត្រូធ្វើចេតិយឱ្យឪពុកម្ដាយ ឬតាយាយ នោះនឹងជួបតែសេចក្ដីសុខរកស៊ីមានបាន កើនមាសកើនប្រាក់៕
