យុវវ័យចូលរួមពូនភ្នំខ្សាច់ច្រើនដែលបង្កប់អត្ថន័យ៣យ៉ាង

2017-04-15 05:27:30
ជំនឿ

2017-04-15 05:27:30
ចំនួនមតិ 0 | ចំនួនចែករំលែក 0

ចន្លោះមិនឃើញ

ពិធីបុណ្យពូនភ្នំខ្សាច់ត្រូវបានប្រជាពលរដ្ឋខ្មែរនិយមប្រារព្ធឡើងក្នុងថ្ងៃចូលឆ្នាំប្រពៃណីជាតិ ស្ថិតនៅតាមទីវត្តអារាមជាយូរយាណាស់មកហើយ។ ប៉ុន្តែមានមនុស្សតិចតួចណាស់ ដែលបានយល់ពីអត្ថន័យទាំង៣ប្រការរបស់ពិធីបុណ្យនេះ។ ខាងក្រោមនេះគឺជាអត្ថន័យទាំងបីប្រការដែលលើកឡើងដោយលោកអាចារ្យសួង វុទ្ធី៖

១ ប្រារព្ធឡើងដើម្បីឧទ្ទិសដល់ព្រះមុនីចេតិយរបស់ព្រះសម្មាសម្ពុទ្ធ ព្រះបរមគ្រូនៃយើង ដែលតាំងនៅឋានតាវត្តិង្ស។ អានិសង្សដែលទទួលបានពីពិធីបុណ្យនេះគឺខ្ពស់ខ្លាំងណាស់ ព្រោះប្រៀបបាននឹងចូលរួមកសាងព្រះមុនីចេតិយដើម្បីថ្វាយព្រះពុទ្ធផងដែរ។

២ ការពូនភ្នំខ្សាច់ក៏ដើម្បីរំដោះគ្រោះចង្រៃ កម្មពារនានាដែលខ្លួនបានសាង ហើយតាំងចិត្តក្នុងការប្រព្រឹត្តអំពើល្អវិញ។

៣ ពិធីបុណ្យពូនភ្នំខ្សាច់ក៏តំណាំងអោយសាមគ្គីភាពនៃពុទ្ធបរិស័ទផងដែរ ដែលបានប្រមែប្រមូលគ្រាប់ខ្សាច់មករួមគ្នា សម្រាប់បម្រើអោយផងប្រយោជន៍រួម ដូចជាទុកសម្រាប់សាងសង់វិហារ សង់អគារ រឺ ចាក់ក្រាលបេតុងក្នុងវត្តជាដើម។