- 2017-08-04 02:06:21
- ចរាចរណ៍
កុំចេះតែហាន វាយជនសង្ស័យប្រយ័ត្នមានទោស
- 2017-08-04 02:06:21
- ចំនួនមតិ 0 | ចំនួនចែករំលែក 0
កុំចេះតែហាន វាយជនសង្ស័យប្រយ័ត្នមានទោស
ចន្លោះមិនឃើញ
ជាញឹកញាប់ជនសង្ស័យមួយចំនួន ដែលគេចោទថាចោរនៅតាមដងផ្លូវ ឬក្នុងផ្សារជាដើមនោះតែងតែត្រូវបានមហាជនចោមរោមវាយដំ ដោយពុំទាំងបានសាកសួរឲ្យបានច្បាស់ផង។ តើការប្រើហិង្សាលើជនសង្ស័យមានទោសដែរឬទេ?
លោកមេធាវី ហុង គឹមសួន ដែលជាសមាជិក នៃអង្គការក្រុមអ្នកច្បាប់ការពារសិទ្ធិកម្ពុជា មានប្រសាសន៍ថា អ្នកប្រើហិង្សា លើជនសង្ស័យអាចប្រឈមនឹងទោសទណ្ឌទាក់ទងនឹងអំពើហិង្សាដោយចេតនាតាមក្រមព្រហ្មទណ្ឌ។ លោកបញ្ជាក់ថាជនសង្ស័យ ក៏ដូចជាជនទូទៅដែរ គឺគាត់ត្រូវបានការពារដោយច្បាប់។ លោកបន្តថា ពេលឃើញបុគ្គលណាម្នាក់ប្រព្រឹត្តនូវបទល្មើសពលរដ្ឋអាចមានសិទ្ធត្រឹមតែឃាត់ខ្លួនបុគ្គលនោះ ដើម្បីប្រគល់ជូនអាជ្ញាធរមានសមត្ថកិច្ចតែប៉ុណ្ណោះ ដោយមិនអាចប្រើហិង្សា ឬឃុំឃាំងជនសង្ស័យបាននោះទេ។
«បើបុគ្គលនោះបាញ់គេស្លាប់ កាប់គេស្លាប់ ឬវាយគេឲ្យរងរបួស ប្រជាពលរដ្ឋសាមញ្ញដទៃទៀតមានសិទ្ធិនាំគ្នាចាប់ ជនដែលប្រព្រឹត្តបទល្មើសហ្នឹងបាន តែមិនចាប់យកមកវាយដំច្រំធាក់ទេហើយក៏មិនមែនចាប់យកទៅឃុំឃាំងដោយមិនបញ្ជូនទៅឲ្យសមត្ថកិច្ចទេ...អ្នកដែលទប់កំហឹងមិនបាន (វាយជនសង្ស័យ)ក្លាយជាជនល្មើសវិញ»។ លោក គឹមសួន បញ្ជាក់។
ក្នុងក្រមព្រហ្មទណ្ឌ ត្រង់មាត្រា២១៧ ចែងថា អំពើហិង្សាប្រព្រឹត្តដោយចេតនាលើអ្នកដទៃត្រូវផ្ដន្ទាទោសដាក់ពន្ធនាគារពីមួយឆ្នាំទៅបីឆ្នាំ និងពិន័យជាប្រាក់ពី ពីរលានទៅប្រាំមួយលានរៀល៕
