ញាក់សាច់! ជាង ៤០០ នាក់ សម្រុកទិញ Burger តម្លៃមិនដល់ ៣០០០រៀល ឡើងអស់ត្រឹម១ម៉ោង

2018-06-14 10:37:00
ព័ត៌មាន

2018-06-14 10:37:00
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅអគារពាណិជ្ជកម្ម Exchange Square កាលពីវេលាថ្ងៃត្រង់នេះ មនុស្សជាច្រើនបានប្រមូលផ្ដុំគ្នានៅមុខហាងកាហ្វេល្បីមួយ ដើម្បីទិញ Burger ក្នុងតម្លៃពិសេស។

សកម្មភាពដ៏អ៊ូអរនេះ កើតឡើងដោយសារ Hard Rock Cafe បានធ្វើខួបគម្រប់ ៤៧ ឆ្នាំនៃយីហោរបស់ខ្លួន ជាមួយការដាក់លក់ Legendary Burger ក្នុង១ឈុតត្រឹមតែ ០.៧១ ដុល្លារ ឬ ២៩០០ រៀលប៉ុណ្ណោះ។ ក្រៅពីនោះ ក៏មានក្រុមតន្ត្រី Rock & Roll មកសម្ដែង អមជាមួយការបម្រើអាហារបែបទសវត្សទី ៧០ ដែលធ្វើឲ្យបរិយាកាសកាន់តែពិសេស។

លោក Richart Tan ប្រធានផ្នែកទំនាក់ទំនង និងទីផ្សារ បានឲ្យដឹងថា កម្មវិធីនេះមានរយៈពេល១ម៉ោង គឺចាប់ពីម៉ោង ១១ ដល់ ១២ ថ្ងៃត្រង់ ហើយភ្ញៀវម្នាក់អាចកុម្ម៉ង់ Burger មួយឈុត សម្រាប់ញ៉ាំនៅក្នុងហាងតែប៉ុណ្ណោះ។

លោកបញ្ជាក់ថា អំឡុងពេលមួយម៉ោងនេះ Legendary Burger ដែលជាម្ហូបប្រចាំហាងត្រូវបានលក់ចេញចំនួនជាង ៤០០ ឈុត មានន័យថាអ្នកដែលចូលរួមក្នុងថ្ងៃនេះ ក៏មានចំនួនដូច្នោះដែរ ដែលនេះជាចំនួនដ៏ច្រើនអស្ចារ្យមួយ គិតចាប់តាំងពីបើកដំណើរការនៅភ្នំពេញមក។

ក្រៅពីកាហ្វេ និង Burger ដ៏ល្បី ហាងកាហ្វេបែបផែនអឺរ៉ុបនេះ ក៏មានភេសជ្ជៈ ស្រាក្រឡុក Cocktail ស្រាក្រហម និងអាហារជាច្រើនមុខទៀត។ ពិសេស Hard Rock Cafe Phnom Penh ក៏មានក្រុមតន្រ្តីប្រចាំការពីម៉ោង ៨ ដល់ ១ យប់ ដើម្បីកំដរបរិយាកាសពេលញ៉ាំអាហារផងដែរ៕