- 2018-07-12 02:27:14
- ព័ត៌មាន
កុំចេះតែចុច Like ឬShare ផ្តេសផ្តាសព័ត៌មានទាំងនេះប្រយ័ត្នខកខ្លួន
- 2018-07-12 02:27:14
- ចំនួនមតិ 0 | ចំនួនចែករំលែក 0
កុំចេះតែចុច Like ឬShare ផ្តេសផ្តាសព័ត៌មានទាំងនេះប្រយ័ត្នខកខ្លួន
ចន្លោះមិនឃើញ
នាយកដ្ឋានប្រឆាំងបទល្មើសបច្ចេកវិទ្យានៃក្រសួងមហាផ្ទៃ នៅព្រឹកនេះតាមរយៈទំព័រហ្វេសប៊ុករបស់ខ្លួនបានរំឭកឲ្យអ្នកប្រើប្រាស់បណ្តាញសង្គម មានការប្រុងប្រយ័ត្នចំពោះការផ្សព្វផ្សាយពីការឈ្នះរង្វាន់នានា ដោយតម្រូវឲ្យអ្នកប្រើប្រាស់បណ្តាញសង្គមចុចLike និង Share ព័ត៌មានទាំងនោះ។
បើតាមស្ថាប័នជំនាញមួយនេះ ការចុចLike ឬ Share ព័ត៌មានទាំងនេះអាចនាំមកនូវផលវិបាកដូច ខាតបង់ពេលវេលា ទិន្ន័យផ្ទាល់ខ្លួនរបស់អ្នកប្រើប្រាស់នឹងត្រូវលួចយកទៅប្រើប្រាស់ក្នុងគោលបំណងផ្សេងៗ។ មួយវិញទៀត ការចុចLike ឬ Share នេះមិនត្រឹមតែជួយផ្សព្វផ្សាយព័ត៌មានមិនពិតទេ តែបង្ហាញពីការគាំទ្ររបស់អ្នកចុច Like និង Share នោះផងដែរ។ នេះបើតាមប្រភពដដែល។
ប្រភពខាងលើសរសេរថា៖ «សូមបងប្អូនមានការប្រុងប្រយ័ត្ន ចំពោះការផ្សព្វផ្សាយ ដូចជាការឈ្នះរង្វាន់ផ្សេងៗតាមប្រព័ន្ធ បណ្តាញសង្គម ដូចជា Facebook ឬ វេបសាយ។ សូមជៀសវាងការចុច like ឬ share...គេអាចប្រមូលយកទិន្នន័យរបស់យើងទៅប្រើប្រាស់ក្នុងការបោកប្រាស់ផ្សេងៗ ដូចជា Vishing (ការតេបោកប្រាស់តាមទូរស័ព្ទ) ជាដើម ការចុច like ឬ share មិនត្រឹមតែជួយផ្សព្វផ្សាយព័ត៌មានមិនពិតនោះទេ ហើយថែមទាំង បង្ហាញថាយើង គាំទ្រការផ្សព្វផ្សាយព័ត៌មានមិនពិតទាំងនោះផងដែរ»៕
