- 2018-07-31 04:50:00
- ព័ត៌មាន
ខណៈខ្លួនក៏រងឥទ្ធិពលជំនន់ កម្ពុជាបានជួយ១០ម៉ឺនដុល្លារ ដល់ជនរងគ្រោះឡាវ
- 2018-07-31 04:50:00
- ចំនួនមតិ 0 | ចំនួនចែករំលែក 0
ខណៈខ្លួនក៏រងឥទ្ធិពលជំនន់ កម្ពុជាបានជួយ១០ម៉ឺនដុល្លារ ដល់ជនរងគ្រោះឡាវ
ចន្លោះមិនឃើញ
រដ្ឋាភិបាលកម្ពុជាបានជួយថវិកា ១០ម៉ឺនដុល្លារ សម្រាប់ជនរងគ្រោះ ក្នុងគ្រោះមហន្តរាយបាក់ទំនប់វារីអគ្គិសនី នៅក្នុងខេត្តអាត់តាពើ ប្រទេសឡាវ។
នេះបើតាម សេចក្ដីប្រកាសព័ត៌មានរបស់ ក្រសួងការបរទេស និងសហប្រតិបត្តិការអន្តរជាតិ។
សេចក្ដីប្រកាសព័ត៌មានដដែល បានចុះផ្សាយថា ឯកឧត្ដម អ៊ុច បូររិទ្ធ រដ្ឋលេខាធិការក្រសួងការបរទេស បានប្រគល់ទឹកប្រាក់ឧបត្ថម្ភចំនួន ១០ម៉ឺនដុល្លារ ដល់លោក ប្រាសិទ្ធ សាយ៉ាសិទ្ធ ឯកអគ្គរដ្ឋទូតវិសាមញ្ញ និងពេញសមត្ថភាព នៃប្រទេសឡាវប្រចាំកម្ពុជា កាលពីម្សិលមិញ។
រដ្ឋាភិបាលកម្ពុជា បានផ្ដល់ជំនួយថវិកាមនុស្សធម៌ខាងលើ ចំពោះរដ្ឋាភិបាលឡាវ ក្នុងគោលបំណង ជួយជនរងគ្រោះ ដោយការបាក់ទំនប់វារីអគ្គិសនី នៅក្នុងខេត្តអាត់តាពើ កាលពីសប្ដាហ៍មុន ។
ក្នុងហេតុការណ៍ដ៏អាក្រក់នេះ បានបណ្ដាលឲ្យមានមនុស្សស្លាប់ និងបាត់ខ្លួនជាច្រើននាក់។
សូមបញ្ជាក់ថា ក្រោយការបាក់ទំនប់វារីអគ្គិសនី Se-Pian Se Nam Noi ក្នុងខេត្ត Attapeu ប្រទេសឡាវ បានបង្កឲ្យប្រជាជនឡាវ រងគ្រោះពីការលិចលង់ ខូចខាតទ្រព្យសម្បត្តិ និងបាត់មនុស្សរាប់រយនាក់។
ក្រៅពីនេះ ទឹកជំនន់ជន់ដដែល បានបន្តហូរលិចតំបន់ខ្លះ នៃខេត្តស្ទឹងត្រែង ដែលនៅជាប់ព្រំដែនកម្ពុជា ឡាវ។
តំបន់ដែលប្រឈមខ្លាំងជាងគេ គឺនៅត្រង់ចំណុច ភូមិសាស្ត្រស្រុកសៀមប៉ាង នៃខេត្តស្ទឹងត្រែង។
សូមអានខ្លឹមសារលម្អិត ក្នុងសេចក្ដីប្រកាសព័ត៌មានរបស់ ក្រសួងការបរទេស និងសហប្រតិបត្តិការអន្តរជាតិ។
