- 2018-08-29 07:44:52
- ព័ត៌មាន
ធ្លាយទំនប់នៅមីយ៉ាន់ម៉ា លិចលង់ផ្លូវសំខាន់ៗកណ្ដាលក្រុង
- 2018-08-29 07:44:52
- ចំនួនមតិ 0 | ចំនួនចែករំលែក 0
ធ្លាយទំនប់នៅមីយ៉ាន់ម៉ា លិចលង់ផ្លូវសំខាន់ៗកណ្ដាលក្រុង
ចន្លោះមិនឃើញ
ទំនប់វារីអគ្គិសនីមួយ បានបាក់បណ្ដាលឲ្យលិចលង់ផ្នែកជាច្រើននៃទីក្រុង Yangon, Mandalay និងNaypyitaw នៃប្រទេសមីយ៉ាន់ម៉ានាថ្ងៃពុធនេះ។
យោងតាមមន្ត្រីសង្គ្រោះបន្ទាន់ឲ្យដឹងថា ខ្លួនបានបញ្ជូនកងពលតូចជាច្រើននាក់ដើម្បីទៅជួយសង្គ្រោះប្រជាជនទាន់ពេលវេលា ក្រោយពេលដែលទំនប់បានបាក់នៅម៉ោង ៥:៣០នាទីព្រឹក បណ្ដាលឲ្យទីក្រុង Swar និងភូមិចំនួនពីរ ត្រូវបានលិចលង់។ លើសពីនេះទៀត ទឹកជំនន់ក៏បានហូរកាត់ផ្ដាច់ផ្លូវសំខាន់ៗ និងផ្លូវហាយវ៉េទៀតផង។
ក្រោយពេលកើតហេតុ អាជ្ញាធរបានបិទផ្លូវហាយវ៉េចេញពីទីក្រុង Yangon ទៅ Mandalay ដែលស្ថិតនៅក្នុងតំបន់ Swar។ ទោះយ៉ាងណាក៏ដោយ អាជ្ញាធរកំពុងធ្វើការយ៉ាងសកម្មដើម្បីជួយសង្គ្រោះប្រជាជនក្នុងតំបន់ទាំងអស់ដែលទទួលរងផលប៉ះពាល់ដោយការលិចលង់ និងជម្លៀសទៅកាន់ទីសុវត្ថិភាព។
គួរឲ្យដឹងថា ភ្លៀងរដូវមូស្យុងដ៏ខ្លាំងក្លាក្នុងប្រទេសមីយ៉ាន់ម៉ានៅឆ្នាំនេះ បានបង្កជាទឹកជំនន់លិចលង់ជាច្រើនកន្លែងដែលបណ្ដាលឲ្យប្រជាជនជាង ១០ម៉ឺននាក់បង្ខំជម្លៀសចេញទៅកាន់ទីសុវត្ថិភាព និងយ៉ាងហោចណាស់មនុស្ស ១១នាក់បានស្លាប់កាលពីខែកក្កដាកន្លងទៅ៕