- 2019-02-11 08:09:45
- ព័ត៌មាន
ចាប់ខ្លួនទេសចរជនជាតិបារាំងម្នាក់ ក្រោយបង្ហោះដ្រូនពីលើសភាមីយ៉ាន់ម៉ា
- 2019-02-11 08:09:45
- ចំនួនមតិ 0 | ចំនួនចែករំលែក 0
ចាប់ខ្លួនទេសចរជនជាតិបារាំងម្នាក់ ក្រោយបង្ហោះដ្រូនពីលើសភាមីយ៉ាន់ម៉ា
ចន្លោះមិនឃើញ
បុរសជាភ្ញៀវទេសចរជនជាតិបារាំងម្នាក់ ត្រូវបានចាប់ខ្លួនក្រោយបង្ហោះដ្រូនពីលើសភាជាតិមីយ៉ាន់ម៉ានៃរដ្ឋធានី Naypyidaw កាលពីថ្ងៃព្រហស្បតិ៍ទី៧ខែកុម្ភៈនេះ។
យោងតាមស្ថានទូតបារាំងឲ្យដឹងថា បុរសជាជនល្មើសឈ្មោះ Arthur Desclaux វ័យ២៧ឆ្នាំបានព្យាយាមបង្ហោះដ្រូនពីលើអគាររបស់រដ្ឋាភិបាលដែលជាអំពើខុសនឹងច្បាប់។ ការចាប់ខ្លួននេះ ធ្វើឡើងកាលពីរសៀលថ្ងៃព្រហស្បតិ៍នៅក្នុងរដ្ឋធានី Naypyidaw ហើយលោកត្រូវបន្ដឃុំខ្លួនមកទល់ថ្ងៃនេះ ខណៈដែលក្រុមគ្រួសាររបស់ជនល្មើសត្រូវបានជូនដំណឹង។ ចំណែកឯប៉ូលិសមីយ៉ាន់ម៉ាឲ្យដឹងដែរថា ប្រសិនបើបុរសរូបនេះត្រូវរកឃើញថាមានទោស នោះលោកនឹងប្រឈមមុខជាប់ពន្ធធនាគាររហូតដល់ ៣ឆ្នាំ។ យ៉ាងណាមិញ គេនៅមិនទាន់ច្បាស់ថាហេតុអ្វីបានជាលោកបង្ហោះដ្រូនពីលើសភាមីយ៉ាន់ម៉ានោះទេ ដោយសារអាជ្ញាធរមិនអាចទាក់ទងសម្រាប់ការឆ្លើយតបបាន។
គួរឲ្យដឹងថា កាលពីឆ្នាំ ២០១៧កន្លងទៅ អ្នកកាសែតជនជាតិម៉ាឡេស៊ីពីររូបឈ្មោះ Lau Hon Meng និង Mok Choy ត្រូវបានចាប់ខ្លួនក្រោយបង្ហោះដ្រូនដូចគ្នានេះពីលើសភាហើយត្រូវកាត់ទោសឲ្យជាប់ពន្ធធនាគាររយៈពេល ២ខែក្រោមច្បាប់ហោះហើររបស់មីយ៉ាន់ម៉ា៕
ចុចអាន ៖