- 2019-03-26 03:18:34
- ព័ត៌មាន
ឆ្នាំនេះមិនដូចឆ្នាំមុនទេ! ទោះទឹកជន់ខ្លាំង ស្ទឹងព្រែកត្នោតគ្មានផ្លូវអាចយាយីអ្នកភ្នំពេញបានឡើយ
- 2019-03-26 03:18:34
- ចំនួនមតិ 0 | ចំនួនចែករំលែក 0
ឆ្នាំនេះមិនដូចឆ្នាំមុនទេ! ទោះទឹកជន់ខ្លាំង ស្ទឹងព្រែកត្នោតគ្មានផ្លូវអាចយាយីអ្នកភ្នំពេញបានឡើយ
ចន្លោះមិនឃើញ
ឯកឧត្តម លឹម គានហោ រដ្ឋមន្រ្តីក្រសួងធនធានទឹក និងឧតុនិយម បានកំណត់ការការពារទឹកជំនន់ជុំវិញ ការងារជីកប្រឡាយមេរំដោះទឹកជំនន់ស្ទឹងព្រែកត្នោតកុំឲ្យមានការយាយីដល់រាជធានីភ្នំពេញដូចឆ្នាំមុនៗ។
តាមការអះអាងលើគេហទំព័រហ្វេសបុករបស់ក្រសួងគូសបញ្ជាក់ថា ក្រុមការងារ បច្ចេកទេសនៃក្រសួងធនធានទឹក និងឧតុនិយម នៅថ្ងៃទី២៦ ខែមីនា ឆ្នាំ២០១៩ ដឹកនាំដោយ ឯកឧត្តម ជួន ប៊ិតថុល អនុរដ្ឋលេខាធិការ ក្រសួងធនធានទឹក និងឧតុនិយម សហការជាមួយភាគីអភិវឌ្ឍន៍ចិន បានបន្តចុះពិនិត្យ និងសិក្សាលើទីតាំងបន្ថែមមួយចំនួនទៀត នៅក្នុងខេត្តកំពង់ស្ពឺ ដើម្បីកំណត់គោលដៅដែលត្រូវជ្រើសរើស ៖
១-ចំនុចស្ទឹងព្រែកត្នោត ខាងក្រោមស្ទឹងអូក្រាំងអំបិល
២-ចំនុចដែលត្រូវកាត់ផ្លូវលេខ៤១
៣-ចំនុចកាត់ ដែលកាត់ភូមិរការកោះ
៤-ចំនុចដែលតភ្ជាប់ទៅ និងប្រឡាយមេរលាំងជ្រៃខាងត្បូង ត្រង់ភូមិត្បូងបឹង ភូមិវាល ស្រុកគងពិសី ខេត្តកំពង់ស្ពឺ ។
គួររំលឹកថា កាលពីថ្ងៃទី ២០ កក្កដា ឆ្នាំ២០១៨ ទឹកជំនន់ហូរចេញពីស្ទឹងព្រែកត្នោតនៅចំណុច សង្កាត់ព្រៃវែង បានហក់ឡើងមកដល់ភូមិវាលថ្លាន់ សង្កាត់គងនយ ខណ្ឌដង្កោ រាជធានីភ្នំពេញ ធ្វើឲ្យលិចលង់ផ្លូវ និងខូចខាតទ្រព្យសម្បត្តិប្រជាពលរដ្ឋជាច្រើនផងដែរ។