- 2019-09-13 07:29:31
- ព័ត៌មាន
គួរឲ្យរន្ធត់! ស្លាប់យ៉ាងហោច ៥០នាក់ ក្រោយរថភ្លើងរត់ធ្លាក់ផ្លូវនៅកុងហ្គោ
- 2019-09-13 07:29:31
- ចំនួនមតិ 0 | ចំនួនចែករំលែក 0
គួរឲ្យរន្ធត់! ស្លាប់យ៉ាងហោច ៥០នាក់ ក្រោយរថភ្លើងរត់ធ្លាក់ផ្លូវនៅកុងហ្គោ
ចន្លោះមិនឃើញ
យ៉ាងហោចណាស់មនុស្ស ៥០នាក់ បានស្លាប់បាត់បង់ជីវិតនៅក្នុងហេតុការណ៍គ្រោះថ្នាក់ដ៏គួរឲ្យរន្ធត់មួយដែលរថភ្លើងរត់ធ្លាក់ផ្លូវនៅសាធារណរដ្ឋកុងហ្គោ។
យោតាមរដ្ឋមន្រ្តីក្រសួងកិច្ចការមនុស្សធម៌លោក Steve Mbikayi ឲ្យដឹងថា ហេតុការណ៍ដ៏អាក្រក់នេះ បានកើតឡើងកាលពីវេលាម៉ោង ៣ទៀបភ្លឺថ្ងៃព្រហស្បតិ៍កន្លងទៅនៅទីក្រុង Mayibaridi។ លោក Mbikayi បានសរសេរក្នុងគណនី Twitter ផ្ទាល់ខ្លួនថា "មហន្ដរាយដ៏អាក្រក់មួយទៀតហើយ! តាងនាមឲ្យរដ្ឋាភិបាល ខ្ញុំសូមចូលរួមរំលែកទុក្ខជាមួយគ្រួសារអ្នកដែលបានរងគ្រោះដោយសារហេតុការណ៍នេះ។” យ៉ាងណាមិញ មូលហេតុពិតប្រាកដដែលបណ្ដាលឲ្យមានហេតុការណ៍អាក្រក់នេះ កើតឡើងនៅមិនទាន់ត្រូវបានគេដឹងនៅឡើយទេ ខណៈដែលអាជ្ញាធរពាក់ព័ន្ធកំពុងបើកការស៊ើបអង្កេតបន្ដ។
គួរឲ្យដឹងថា កាលពីឆ្នាំ ២០១៧កន្លងទៅក៏ធ្លាប់មានហេតុការណ៍ស្រដៀងគ្នាកើតឡើងផងដែរ ដោយមនុស្សជាង៣០នាក់ បានស្លាប់ក្រោយពេលដែលរថភ្លើងដឹកប្រេងធ្លាក់ចូលទន្លេនៅខេត្ត Lualaba ខាងត្បូង៕