- 2019-10-17 08:55:14
- ព័ត៌មាន
ពលរដ្ឋហុងកុងចាប់ផ្ដើមលក់ផ្ទះឡៃឡុង ដើម្បីធ្វើចំណាកស្រុក ក្រោយផ្ទុះបាតុកម្មអស់ ៤ខែ
- 2019-10-17 08:55:14
- ចំនួនមតិ 0 | ចំនួនចែករំលែក 0
ពលរដ្ឋហុងកុងចាប់ផ្ដើមលក់ផ្ទះឡៃឡុង ដើម្បីធ្វើចំណាកស្រុក ក្រោយផ្ទុះបាតុកម្មអស់ ៤ខែ
ចន្លោះមិនឃើញ
ទំនោរទៅរកការចំណាកស្រុករបស់ពលរដ្ឋហុងកុង បានកើនឡើង ១៤ដងក្រោយពេលដែលមានបាតុកម្មតវ៉ាអស់រយៈពេលជាង ៤ខែឥតឈប់ឈរ។
យោងតាមទីប្រឹក្សាអន្តោប្រវេសន៍ហុងកុងឲ្យដឹងថា ប្រជាជនជាច្រើននាក់ បានចាប់ផ្ដើមលក់ផ្ទះសម្បែងរបស់ខ្លួន ដោយខ្លាចថាទីផ្សារតម្លៃលក់ដូរអាចនឹងកាន់តែយ៉ាប់យ៉ឺនទៅដោយសារបញ្ហាបណ្ដាលមកពីការធ្វើបាតុកម្ម។ ជាមួយគ្នា នាយកទីប្រឹក្សាអន្តោប្រវេសន៍អ្នកស្រី Tina Cheng ឲ្យដឹងថាមូលហេតុចម្បងដែលធ្វើឲ្យពលរដ្ឋមានការព្រួយបារម្ភ គឺបណ្ដាលមកពីស្ថានភាពទីក្រុងហុងកុងបច្ចុប្បន្ន។ លើសពីនេះទៀត ប្រជាជនភាគច្រើន ចង់បានបរិស្ថានរស់នៅប្រសើរជាងនេះ និងប្រព័ន្ធអប់រំល្អសម្រាប់កូនចៅពួកគេ។ អ្នកស្រី Cheng បន្ថែមថាភាគច្រើននៃអ្នកដែលចាប់ផ្ដើមលក់ផ្ទះសម្បែង គឺជាពលរដ្ឋដែលមានចំណូលពីមធ្យម ទៅខ្ពស់រួមមានវេជ្ជបណ្ឌិត និងមេធាវីជាដើម។ ពួកគេចាប់ផ្ដើមលក់ផ្ទះដើម្បីស្នើសុំទិដ្ឋាការទៅរស់នៅប្រទេសដទៃ។
គួរឲ្យដឹងថា ការតវ៉ានៅហុងកុង ត្រូវបានអូសបន្លាយអស់រយៈពេលជាង ៤ខែមកហើយ បើទោះបីជាមកទល់ពេលនេះ ច្បាប់បត្យាប័នថ្មីត្រូវបានលុបចោលក៏ដោយ៕
