- 2019-12-09 08:53:56
- ព័ត៌មាន
ហ្វាំងឡង់តែងតាំងនាយករដ្ឋមន្ត្រីថ្មី វ័យក្មេងជាងគេបំផុតក្នុងពិភពលោក
- 2019-12-09 08:53:56
- ចំនួនមតិ 0 | ចំនួនចែករំលែក 0
ហ្វាំងឡង់តែងតាំងនាយករដ្ឋមន្ត្រីថ្មី វ័យក្មេងជាងគេបំផុតក្នុងពិភពលោក
ចន្លោះមិនឃើញ
រដ្ឋាភិបាលប្រទេសហ្វាំងឡង់ បានបោះឆ្នោតជ្រើសរើសនាយករដ្ឋមន្ត្រីថ្មីឲ្យឡើងកាន់តំណែងកាលពីថ្ងៃទី ៨ខែធ្នូកន្លងទៅ។
អ្នកស្រី Sanna Marin វ័យ ៣៤ឆ្នាំ ត្រូវបានជ្រើសរើសជានាយកមន្ត្រីប្រទេសហ្វាំងឡង់ ហើយក្លាយជានាយករដ្ឋមន្ត្រីវ័យក្មេងជាងគេបំផុតក្នុងពិភពលោក។ អ្នកស្រី Sanna ដែលជាអតីតរដ្ឋមន្ត្រីក្រសួងដឹកជញ្ជូន នឹងត្រូវឡើងកាន់តំណែងនាយករដ្ឋមន្ត្រីជំនួសលោក Antii Rinne ដែលបានលាលែងពីតំណែងកាលពីសប្ដាហ៍មុន ក្រោយទទួលតួនាទីត្រឹមរយៈពេល ៦ខែប៉ុណ្ណោះដោយសារមានបញ្ហាចម្រូងចម្រាសរឿងដោះស្រាយកូតកម្មតាមប្រៃសនីយ៍។ អ្នកស្រី Sanna ក៏ជាសមាជិកមួយរួបនៃបក្សប្រជាធិបតេយ្យសង្គម ដែលជាបក្សធំជាងគេបំផុតរបស់ប្រទេសហ្វាំងឡង់ផងដែរ។
ជាមួយគ្នានេះ ក្រោយការឡើងកាន់តំណែង អ្នកស្រី Sanna បង្ហាញជំហរថានឹងបន្ដធ្វើកិច្ចការលើគម្រោងកាត់បន្ថយការបញ្ចេញឧស្ម័នពុលដើម្បីជួយដល់បរិស្ថានទៀតផង៕