- 2019-12-12 06:57:00
- ព័ត៌មាន
មកដឹង ៣ចំណុចគួរពិចារណា ដើម្បីទាក់ទងអ្នកដាក់ពាក្យចូលធ្វើការបានលឿន
- 2019-12-12 06:57:00
- ចំនួនមតិ 0 | ចំនួនចែករំលែក 0
មកដឹង ៣ចំណុចគួរពិចារណា ដើម្បីទាក់ទងអ្នកដាក់ពាក្យចូលធ្វើការបានលឿន
ចន្លោះមិនឃើញ
ជាការពិតណាស់ ការវិភាគនិងទិន្នន័យជ្រើសរើសបុគ្គលិក គឺជាកត្តាសំខាន់សម្រាប់ជួយដល់ផ្នែកធនធានមនុស្សក្នុងក្រុមហ៊ុនមុនពេលសម្រេចជ្រើសរើសបុគ្គលិកថ្មីចូលធ្វើការ។ ក្រៅពីនេះ បច្ចេកវិទ្យាក៏ជាកត្តាសំខាន់ដើម្បីកាត់បន្ថយគំលាត និងការចំណាយលើការប្រមូលទិន្នន័យ និងធ្វើឲ្យការជ្រើសរើសបុគ្គលិកកាន់តែប្រសើរឡើង។
ការជួលក្រុមហ៊ុនប្រឹក្សាយោបល់សម្រាប់ព័ត៌មានទីផ្សារការងារ អាចជួយដល់ការស្វែងយល់បន្ថែមពីកន្លែងដែលបេក្ខភាពបុគ្គលិកឆ្នើមដាក់ពាក្យធ្វើការ, ស្វែងយល់ពីតម្រូវការរបស់ពួកគេក្នុងបរិយាកាសការងារ និងកត្តាដែលនាំឲ្យមានភាពជោគជ័យការងារនៅក្នុងក្រុមហ៊ុន។
មានកត្តាជាច្រើនផ្សេងទៀត ដើម្បីចាប់ផ្ដើមស្វែងរកបេក្ខភាពបុគ្គលិកដ៏មានសក្ដានុពលយ៉ាងមានប្រសិទ្ធិភាព។ ខាងក្រោមនេះ គឺជា៣ចំណុចគួរពិចារណា ដើម្បីទាក់ទងអ្នកដាក់ពាក្យចូលធ្វើការបានលឿន ៖
១. ធ្វើឲ្យក្រុមហ៊ុនមានភាពខុសប្លែកពីគេ
ក្រុមហ៊ុនទាំងអស់សុទ្ធតែ មានគោលបំណងផ្សេងគ្នានៅក្នុងទីផ្សារប្រកួតប្រជែង ដូច្នេះការកំណត់អត្តសញ្ញាណរបស់ក្រុមហ៊ុនជាមុន គឺជាកត្តាចាំបាច់ដើម្បីនាំអ្នកឆ្ពោះទៅរកការផ្ដល់ជូនការងារខុសប្លែកពីក្រុមហ៊ុនដទៃ។ ចំណុចមួយចំនួនដែលគួរពិចារណាមានដូចជា ៖ តើក្រុមហ៊ុនរបស់អ្នកកំពុងលក់ ឬផ្ដល់ផលិតផលអ្វីខ្លះ? តើអ្វីដែលមានតម្លៃបំផុតក្នុងឧស្សាហកម្មរបស់អ្នក? តើស្លាកយីហោរបស់អ្នកមានលក្ខណៈដើម (original) កម្រិតណា?
២. ស្វែងរកទិន្នន័យច្បាស់លាស់ ហើយរៀបយុទ្ធសាស្ត្រ
ត្រង់ចំណុចនេះ គឺជាកន្លែងដែលទិន្នន័យធនធានមនុស្ស អាចជួយដល់អ្នកបានច្រើន។ នៅពេលដែលអ្នកកំពុងធ្វើការដោយប្រើប្រាស់ថវិកាមានកំណត់សម្រាប់ជ្រើសរើសបុគ្គលិកឲ្យបានច្រើនហើយឆាប់រហ័ស, ព័ត៌មានឬទិន្នន័យទាក់ទងនឹងធនធានមនុស្ស ដាច់ខាតត្រូវតែច្បាស់លាស់ ហើយបើកចំហសម្រាប់អ្នកដែលពាក់ព័ន្ធនឹងផ្នែកទីផ្សារ និងធនធានមនុស្សទាំងអស់។ ទិន្នន័យគឺជាមូលដ្ឋានគ្រឹះដើម្បីបង្កើតផែនទីបង្ហាញផ្លូវសម្រាប់ដំណើរការជ្រើសរើសបុគ្គលិកទាំងអស់។
ក្រុមហ៊ុនដែលមានភាពច្បាស់លាស់លើទម្រង់ការងារផ្ទាល់ខ្លួនរបស់ពួកគេប្រើទិន្នន័យដើម្បីដឹងថាបេក្ខជនណាដែលល្អបំផុតហើយនឹងសមនឹងតំណែងក្រុមហ៊ុនរបស់ពួកគេដោយជោគជ័យ។ ការវិនិយោគលើទិន្នន័យ អាចកាត់បន្ថយពេលវេលាដើម្បីដឹងច្បាស់ពីកន្លែងដែលគួរចំណាយលុយក្នុងការផ្សព្វផ្សាយជ្រើសរើសបុគ្គលិក។
៣. សុំជំនួយពីអ្នកជំនាញ
បច្ចុប្បន្ននេះ មានក្រុមប្រឹក្សាដែលមានគុណភាពខ្ពស់នៅក្នុងប្រទេសកម្ពុជា ដែលនឹងជួយអ្នកឱ្យឆ្លងកាត់សក្ដានុពលនៃការរីកចម្រើនសេដ្ឋកិច្ចដែលកំពុងផ្ទុះឡើងនេះ។ ក្រុមហ៊ុនអន្តរជាតិជាច្រើន ផ្តល់ជូននូវឱកាសដ៏ល្អដើម្បីផ្តល់ការយល់ដឹង និងការទាក់ទាញទៅដល់ក្រុមហ៊ុនដែលកំពុងប្រឈមនឹងបញ្ហានេះ។ លុយមិនត្រឹមតែបង្កើតសេវាកម្ម ឬផលិតផលប៉ុណ្ណោះទេ ប៉ុន្តែថែមទាំងនាំមនុស្សឲ្យបង្កើតគំនិតអាជីវកម្មផ្ទាល់ខ្លួនទៀតផង។
ការវិនិយោគលើយីហោក្រុមហ៊ុន (Company Branding) អាចជាគន្លឹះដើម្បីចាប់ផ្ដើមធ្វើការឆ្ពោះទៅរកការចំណាយតិចដើម្បីជ្រើសរើសបុគ្គលិកដែលមានទេពកោសល្យឲ្យចូលមកបម្រើការងារ។ ទិន្នន័យល្អបំផុតនិងការសិក្សាស្រាវជ្រាវប្រចាំឆ្នាំដូចជា ការស្ទាបស្ទង់មតិសំណងប្រចាំឆ្នាំរបស់ HRINC (HRINC Annual Compensation Survey) ផ្តល់ជូនក្រុមហ៊ុនឈានមុខគេនៅកម្ពុជា និងអាស៊ី នូវទិន្នន័យប្រាក់ខែ និងអត្ថប្រយោជន៍ដែលអាចទុកចិត្តបាន ដែលនឹងអនុញ្ញាតឱ្យក្រុមហ៊ុនគ្រប់ប្រភេទទាំងអស់ជ្រើសរើសបុគ្គលិកដែលមានទេពកោសល្យ។
ចូលរួមជាមួយ HRINC's Annual Employer Branding Survey: Cambodia 2019-20 ដើម្បីស្វែងយល់កាន់តែច្បាប់ពីអ្វីដែលជាទីផ្សារការងាររបស់អ្នក! ទាក់ទងតាមរយៈអ៊ីមែល ៖ EmployerBranding@hrinc.asia ឬទូរសព្ទលេខ : +855 (23) 211-437
សម្រាប់អ្នកដែលចង់ចូលរួមក្នុងការស្ទង់មតិរបស់យើងសូមចុចលើតំណភ្ជាប់ខាងក្រោម៖HRINC-Employer Branding Survey ឬស្កេនលេខកូដ QR នេះ
