- 2019-12-30 02:02:13
- ព័ត៌មាន
អូស្ត្រាលីចាប់ផ្ដើមជម្លៀសពលរដ្ឋ និងភ្ញៀវទេសចរចេញពីតំបន់ ក្រោយភ្លើងឆេះព្រៃកាន់តែធ្ងន់ធ្ងរ
- 2019-12-30 02:02:13
- ចំនួនមតិ 0 | ចំនួនចែករំលែក 0
អូស្ត្រាលីចាប់ផ្ដើមជម្លៀសពលរដ្ឋ និងភ្ញៀវទេសចរចេញពីតំបន់ ក្រោយភ្លើងឆេះព្រៃកាន់តែធ្ងន់ធ្ងរ
ចន្លោះមិនឃើញ
ប្រជាពលរដ្ឋ និងភ្ញៀវទេសចររាប់ពាន់នាក់ ត្រូវបានជម្លៀសចេញពីទីក្រុង Victoria ក្រោយពេលដែលសីតុណ្ហភាពឡើងខ្លាំងដោយសារខ្យល់បក់ពីភ្លើងឆេះព្រៃក្នុងប្រទេសដែលអូរបន្លាយអស់រយៈពេលជាច្រើនខែ។
ខណៈពេលដែលសីតុណ្ហភាពកើនឡើងរហូតដល់ ៤០អង្សាសេក្នុងទីក្រុង Melbourne អាជ្ញាធរបានព្រមានឲ្យទេសចរជាង ៣ម៉ឺននាក់ជម្លៀសខ្លួនចេញជាបន្ទាន់ដើម្បីសុវត្ថិភាពផ្ទាល់ខ្លួន។ គ្រោះថ្នាក់ពីភ្លើងឆេះ ត្រូវបានព្យាករណ៍ថានឹងកាន់តែអាក្រក់ឡើងថែមទៀតនៅក្នុងសង្កាត់ចំនួន ៧នៅទូទាំងរដ្ឋក៏ដូចជាគំរាមកំហែងដល់ផ្លូវ Princes Highway ផងដែរ។ យោងតាមស្នងការគ្រប់គ្រងគ្រោះអាសន្នលោក Andrew Crisp ឲ្យដឹងនាថ្ងៃចន្ទនេះថា "ថ្ងៃនេះនឹងក្លាយជាបញ្ហាប្រឈមខ្លាំងសម្រាប់សេវាកម្មសង្គ្រោះបន្ទាន់ និងសហគមន៍របស់យើង។”
គួរឲ្យដឹងថា មកទល់ពេលនេះភ្លើងឆេះព្រៃ បានបំផ្លាញផ្ទៃដីជាង ៤លានហិចតាហើយនៅទូទាំងប្រទេសអូស្ត្រាលី ហើយមនុស្ស ៨នាក់ ត្រូវបានរាយការណ៍ថាស្លាប់បណ្ដាលមកពីមូលហេតុនៃភ្លើងឆេះព្រៃដែលចាប់ផ្ដើមឡើងកាលពីរដូវផ្ការីកកន្លងទៅ៕