- 2020-01-06 07:40:52
- ព័ត៌មាន
មានសង្ឃឹមហើយ! ទីបំផុតភ្លៀងធ្លាក់លើភ្លើងឆេះព្រៃអូស្ត្រាលី ធ្វើឲ្យសីតុណ្ហភាពថយចុះ (មានវីដេអូ)
- 2020-01-06 07:40:52
- ចំនួនមតិ 0 | ចំនួនចែករំលែក 0
មានសង្ឃឹមហើយ! ទីបំផុតភ្លៀងធ្លាក់លើភ្លើងឆេះព្រៃអូស្ត្រាលី ធ្វើឲ្យសីតុណ្ហភាពថយចុះ (មានវីដេអូ)
ចន្លោះមិនឃើញ
ភ្លៀងបានធ្លាក់មកលើតំបន់ដែលកំពុងរងគ្រោះដោយសារភ្លើងឆេះព្រៃជាច្រើនកន្លែងក្នុងប្រទេសអូស្ត្រាលី ដែលបណ្ដាលឲ្យសីតុណ្ហភាពធ្លាក់ចុះបន្ដិចកាលពីយប់ថ្ងៃអាទិត្យកន្លងទៅ។
យោងតាមសារព័ត៌មានក្នុងតំបន់ឲ្យដឹងថា ភ្លៀងបានធ្លាក់នៅឆ្នេរភាគខាងកើតចាប់ពីទីក្រុង Sydney ទៅដល់ Melbourne ហើយតំបន់ខ្លះមានភ្លៀងធ្លាក់ខ្លាំងទៀតផងក្នុងរដ្ឋ New South Wales។ ទោះយ៉ាងណាក៏ដោយ អាជ្ញាធរបានព្រមានថាសីតុណ្ហភាពអាចនឹងកើនឡើងវិញនៅថ្ងៃព្រហស្បតិ៍ ដោយសារតែភ្លើងកំណាចដ៏ធំនៅក្នុងរដ្ឋ Victoria នឹងរាលដាលមកជួបគ្នាជាមួយភ្លើងនៅ New South Wales ដែលអាចបណ្ដាលឲ្យកើតអណ្ដាតភ្លើងកាន់តែធំឡើងថែមទៀត។ ជាមួយគ្នាដែរ នៅព្រឹកថ្ងៃចន្ទនេះ អាជ្ញាធរកំពុងបន្ដធ្វើការជម្លៀសប្រជាជនទៅកាន់កន្លែងមានសុវត្ថិភាព។
ថ្វីត្បិតតែឥឡូវនេះសីតុណ្ហភាពហាក់ធា្លក់ចុះបន្ដិចដោយសារមានភ្លៀងធ្លាក់ក្ដី ប៉ុន្តែកម្រិតផ្សែងពុលក្នុងប្រទេសនៅស្ថិតក្នុងកម្រិតគ្រោះថ្នាក់ដដែល ហើយអាជ្ញាធរព្រមានឲ្យពលរដ្ឋធ្វើការប្រុងប្រយ័ត្នខ្ពស់ផងដែរ៕
សូមទស្សនាវីដេអូខាងក្រោម ៖
