បុរសខ្លាំងរុស្ស៊ី មានសត្វចិញ្ចឹមស្អាតៗ ៥ក្បាល ឃើញហើយគួរឲ្យស្រឡាញ់បំផុត

2020-01-13 03:57:22
ព័ត៌មាន

2020-01-13 03:57:22
ចំនួនមតិ 0 | ចំនួនចែករំលែក 0

ចន្លោះមិនឃើញ

លោកប្រធានាធិបតីរុស្ស៊ី Vladimir Putin គឹជាអ្នកដែលស្រឡាញ់សត្វបំផុតម្នាក់ ដែលគេតែងតែឃើញសត្វចិញ្ចឹមនៅក្បែរលោកជាប្រចាំ មិនថាពេលប្រជុំឬកំពុងធ្វើកិច្ចការនោះទេ។ ស្របជាមួយគ្នានេះ អត្ថបទនេះនឹងលើកយកពីសត្វចិញ្ចឹមទាំង ៥ របស់លោកប្រធានាធិបតីរូបនេះ ដែលមានដូចតទៅ៖

១.Connie

ជាឆ្កែពូជ Labrador ពណ៌ខ្មៅដែលលោកពូទីនទទួលបានពីអំណោយរបស់លោករដ្ឋមន្ត្រីការពារជាតិរុស្ស៊ី Sergei Shoigu កាលពីលោកពូទីនទើបតែក្លាយជាប្រធានាធិបតីរុស្ស៊ីក្នុងអំឡុងឆ្នាំ ២០០០។ Connie ឬ Koni នេះហើយ ជាសុនខដែលដើរពេញបន្ទប់ប្រជុំរវាងលោកពូទីន និងអ្នកស្រីអធិការបតីអាល្លឺម៉ង់ Angela Merkel កាលពីឆ្នាំ ២០០៧។ Connie បានបាត់បង់ជីវិតនាឆ្នាំ ២០១៤ ក្នុងអាយុ ១៥ឆ្នាំ។

២.Buffy

ជាឆ្កែពូជ Karakachan ពណ៌ត្នោតលាយស ដែលអតីតនាយករដ្ឋមន្ត្រីប្រទេសប៊ុលហ្គារី លោក Boyko Borisov ធ្វើជាអំណោយដល់លោកពូទីនក្នុងន័យអបអរដល់កិច្ចព្រមព្រៀងថាមពលរវាងប្រទេសទាំងពីរ កាលពីចុងឆ្នាំ ២០១០។

៣.Yume

ជាឆ្កែប្រភេទរោមទន់ ពណ៌ស លាយត្នោតស្រាល ដែលចៅហ្វាយខេត្ត Akita ប្រទេសជប៉ុនជូនជាអំណោយដល់លោកពូទីនក្នុងន័យថ្លែងអំណរគុណដល់ប្រទេសរុស្ស៊ីដែលបានជួយជាជំនួយផ្សេងៗ ដល់ប្រទេសជប៉ុន ក្រោយប្រទេសអាស៊ីដីកោះមួយនេះបានរងគ្រោះដោយមហារលកយក្សស៊ូណាមិកាលពីឆ្នាំ ២០១១។ ឈ្មោះ Yume មានន័យថា សុបិន ក្នុងភាសាជប៉ុន។

៤. សេះប្រណាំងអារ៉ាប

កាលពីខែកុម្ភៈឆ្នាំ ២០១៧ ប្រធានាធិបតី ប្រទេស Krygyzstan លោក Almazbek Atambayev បានជូនកាដូសត្វចិញ្ចឹមមួយទៀតដល់លោកពូទីន នោះគឺសេះប្រណាំងពូជអារ៉ាប ដែលជាពូជសេះមួយក្នុងចំណោមពូជសេះដ៏ល្បីទាំង ១០ ក្នុងលោក មានសមត្ថភាពក្នុងការរត់មិនងាយហត់ ព្រមទាំងជាសេះពូកែហក់ផងដែរ។

៥. Verny

ជាឆ្កែពូជ Albai ពណ៌ស លាយត្នោត ដែលលោកពូទីនទទួលបានជាអំណោយពីមេដឹកនាំប្រទេស ទួរមេនីស្ថានក្នុងន័យអបអរថ្ងៃខួបកំណើតលោកពូទីន ព្រមទាំងដើម្បីរឹតចំណងមិត្តភាពរវាងប្រទេសទាំងពីរ ជាពិសេសក្នុងវិស័យថាមពល។ ឈ្មោះ Verny មានន័យថា ស្មោះត្រង់ ក្នុងភាសារុស្ស៊ី៕

ប្រភព៖ Independent ប្រែសម្រួល៖ រ័ត្ន