- 2020-02-12 02:38:10
- ព័ត៌មាន
មានសង្ឃឹម! ភ្លៀងធ្លាក់ខ្លាំងមិនធ្លាប់មាន ៣០ឆ្នាំ ជួយពន្លត់ភ្លើងឆេះព្រៃអូស្ត្រាលី
- 2020-02-12 02:38:10
- ចំនួនមតិ 0 | ចំនួនចែករំលែក 0
មានសង្ឃឹម! ភ្លៀងធ្លាក់ខ្លាំងមិនធ្លាប់មាន ៣០ឆ្នាំ ជួយពន្លត់ភ្លើងឆេះព្រៃអូស្ត្រាលី
ចន្លោះមិនឃើញ
ទីក្រុងស៊ីដនី បានរងនូវភ្លៀងធ្លាក់ខ្លាំងមិនធ្លាប់មានក្នុងរយៈពេល ៣០ឆ្នាំ ដែលបណ្ដាលឲ្យភ្លើងឆេះព្រៃធំៗពីររលត់នៅរដ្ឋ New South Wales។
យោងតាមភ្នាក់ងារអាកាសធាតុអូស្ត្រាលីឲ្យដឹងថា ទឹកភ្លៀងកម្ពស់ ៣៩១,៦មីលីម៉ែត្រ បានធ្លាក់ក្នុងរយៈពេល ៤ថ្ងៃក្នុងទីក្រុងស៊ីដនី ដែលខ្លាំងជាងភ្លៀងធ្លាក់ជាមធ្យមក្នុងខែកុម្ភៈ។ យ៉ាងណាមិញ ផ្ទះប្រមាណ ១០ម៉ឺនខ្នង ត្រូវបានកាត់ផ្ដាច់អគ្គិសនី ហើយមន្ត្រីបានធ្វើការព្រមានពីទឹកជំនន់ដែលអាចឆក់យកជីវិតមនុស្ស។ ភ្នាក់ងារអគ្គីភ័យ NSW ឲ្យដឹងកាលពីថ្ងៃចន្ទថា ភ្លៀងបានពន្លត់ភ្លើងឆេះជាង ៣០កន្លែងកាលពីចុងសប្ដាហ៍។ នេះជាដំណឹងល្អសម្រាប់ប្រទេសអូស្ត្រាលី ដោយសារតែភ្លើងឆេះនៅសល់តែ ១៧កន្លែងទៀតប៉ុណ្ណោះ។
គួរឲ្យដឹងថា តាមការប្រកាសចុងក្រោយ ភ្លើងឆេះព្រៃខ្លាំងជាងគេនៅភាគពាយព្យទីក្រុងស៊ីដនីដែលបានឆេះចាប់តាំងពីខែតុលាក្នុងទំហំ ៥១២ ០០០ហិចតា ដែលត្រូវបានចាត់ទុកថាពិបាកក្នុងការពន្លត់៕