- 2020-02-13 08:45:11
- ព័ត៌មាន
ឃើញរូបភាពទាំងនេះ មិនសរសើរមិនបានពីការលះបង់ថ្នាក់ដឹកនាំ និងមិត្តបរទេសមួយចំនួន
- 2020-02-13 08:45:11
- ចំនួនមតិ 0 | ចំនួនចែករំលែក 0
ឃើញរូបភាពទាំងនេះ មិនសរសើរមិនបានពីការលះបង់ថ្នាក់ដឹកនាំ និងមិត្តបរទេសមួយចំនួន
ចន្លោះមិនឃើញ
ប្រតិបត្តិការ នៃការអនុញ្ញាតឲ្យនាវាខ្នាតយក្ស Westerdam ចូលចតនៅកំពង់ផែ ខេត្តព្រះសីហនុ ក្រុមមន្រ្តី និងបណ្ដាស្ថានទូត ជាច្រើនបានចូលរួមនៅក្នុងបេសកកម្មមួយនេះ។ តើមានជនជាតិណាខ្លះ ចូលរួមតាមដាន សកម្មភាពខាងលើនេះ?
តាមរយៈផេករបស់ ឯកឧត្តម គួច ចំរើន អភិបាលខេត្តព្រះសីហនុ បានសរសេរនៅលើបណ្ដាញសង្គមរបស់ខ្លួនថា "ដោយបុព្វហេតុមនុស្សធម៌ ខ្មែរ បារាំង អាមេរិក អូស្ត្រាលី ហូឡង់ កាណាដា...អាសុី អឺរ៉ុប បាយកញ្ចប់ជាមួយគ្នា"។
កាលពីព្រឹកថ្ងៃទី ១៣ ខែកុម្ភៈនេះ ឯកឧត្តម គួច ចំរើន អភិបាលខេត្តព្រះសីហនុ បានលើកឡើងទៅកាន់អ្នកសារព័ត៌មានថា មិនមានឡើយអ្នកស្នាក់នៅកម្ពុជា ពួកគេគ្រាន់តែឆ្លងកាត់ ដោយការសំចតចៃដន្យមួយ ហើយមន្រ្តីរបស់យើងនឹងធ្វើកិច្ចការបន្ទាន់ដោយមានការត្រួតពិនិត្យសុខភាពនៅក្នុងនាវាផ្ទាល់ ហើយរៀបឯកសារឲ្យពួកគេហោះហើរបន្ដ។
នាវាទេសចរណ៍ខ្នាតយក្សរបស់អាមេរិក «Westerdam» ដែលផ្ទុកមនុស្សសរុបជាង ២ ២០០នាក់ ក្នុងនោះអ្នកទេសចរណ៍ចំនួន ១ ៤៥៥នាក់ និងបុគ្គលិកបម្រើការងារ ៨០២នាក់ បានចូលសំចតនៅកំពង់ផែក្រុងព្រះសីហនុ នាព្រឹកថ្ងៃទី១៣ ខែកុម្ភៈ ឆ្នាំ២០២០ ដោយសុវត្ថិភាព។ នេះបើយោងតាមការចុះផ្សាយរបស់អង្គភាពព័ត៌មាន Fresh News ។
ទន្ទឹមនឹងការអនុញ្ញាតឲ្យនាវាយក្សមួយនេះចតនៅកំពង់ផែ ខេត្តព្រះសីហនុ និងប្រតិបត្តិការត្រួតពិនិត្យសុខភាពអ្នកទេសចរ ក្នុងនោះ ផេកប្រតិកម្មរហ័សនៃខេត្តព្រះសីហនុ បានបញ្ជាក់ថា មានការដឹកកំហាកភ្ញៀវទេសចរ យកមកពិសោធន៍នៅប៉ាស្ទ័រ ក្រុងភ្នំពេញ ដោយការដឹកជញ្ជូនតាមរយៈ ឧបទ្ធម្ភាចក្រ។
សូមទស្សនាវីដេអូ
ឯខាងក្រោមនេះ គឺជារូបភាព សកម្មភាពថ្នាក់ដឹកនាំ និងបណ្ដាមិត្តជាបរទេសបាយជុំគ្នា នៅក្នុងប្រតិបត្តិការសកម្មភាពខាងលើ៖
រូបភាពយកពីផេកផ្លូវការ ឯកឧត្តម គួច ចំរើន