- 2020-03-24 06:45:28
- ព័ត៌មាន
អ្នកជំនាញព្រមានថា ស្ថានការណ៍នៅថៃអាចនឹងដូចអ៉ីតាលី ក្រោយស្លាប់ ៣នាក់និង១០៦នាក់ឆ្លងវីរុស
- 2020-03-24 06:45:28
- ចំនួនមតិ 0 | ចំនួនចែករំលែក 0
អ្នកជំនាញព្រមានថា ស្ថានការណ៍នៅថៃអាចនឹងដូចអ៉ីតាលី ក្រោយស្លាប់ ៣នាក់និង១០៦នាក់ឆ្លងវីរុស
ចន្លោះមិនឃើញ
ថៃកាលពីថ្ងៃអង្គារទី២៤មីនាបានរាយការណ៍អ្នកស្លាប់៣នាក់បន្ថែមដោយសារជម្ងឺកូវីដ១៩ នាំអោយចំនួនមនុស្សស្លាប់ដោយជម្ងឺឆ្លងនេះកើនដល់៤នាក់ នេះបើតាមការប្រកាសរបស់មន្ត្រីក្រសួងសុខាភិបាលថៃម្នាក់។
ថៃកាលពីថ្ងៃអង្គារក៏បានរាយការណ៍អ្នកឆ្លង១០៦នាក់បន្ថែមទៀត ដែលនាំអោយចំនួនឆ្លងសរុបនៅក្នុងប្រទេសនេះកើនដល់៨២៧នាក់។ សូមរំលឹកថា ជនរងគ្រោះដល់ជីវិតពីកូវីដ១៩នេះដំបូងនៅថៃបានកើតលើបុរសអាយុ៣៥ឆ្នាំ តាំងពីថ្ងៃ២៩កុម្ភៈតែការស្លាប់ថ្មី៣នាក់ចុងក្រោយនេះទើបតែកើតឡើងចំពេលថៃជួបកំណើននៃការឆ្លងវីរុសកូវីដ១៩នេះយ៉ាងគំហុកនៅពីរបីថ្ងៃមកនេះ។ កាលពីថ្ងៃចន្ទម្សិលមិញថៃបានរាយការណ៍អ្នកឆ្លង១២២នាក់ និង១៨៨នាក់កាលពីថ្ងៃអាទិត្យ។
ក្នុងពេលជាមួយគ្នា លោកវេជ្ជបណ្ឌិត ប្រាស៊ីត វ៉ាតាណាផា សាស្ត្រាចារ្យនៃវិទ្យាល័យពេទ្យនៅមន្ទីរពេទ្យស៊ីរីរ៉ាច របស់សកលវិទ្យាល័យ ម៉ាហ៊ីដុល បាននិយាយថា ប្រជាជនត្រូវនៅក្នុងផ្ទះនិងឈប់ដើរស៊ីផឹកឬទៅកាន់កន្លែងជួបជុំកម្សាន្តសប្បាយ បើមិនដូច្នេះទេថៃនឹងជួបវាសនាដូចអ៊ីតាលី។ លោកបន្ទោសមនុស្សដែលបានទៅកាន់កន្លែងងាយចម្លងវីរុស ដូចជាសង្វៀនប្រដាល់ និងរង្គសាល ហើយមិនព្រមដាក់ខ្លួននៅដាច់ពីគេ។ លោកប្រាស៊ីត បាននិយាយថា កំណើនចំនួនអ្នកឆ្លងនៅថៃកើន៣៣ភាគរយក្នុងមួយថ្ងៃ ស្រដៀងគ្នានឹងនៅអាឡឺម៉ង់ ។បើនៅតែឆ្លងក្នុងកំរិតនេះ អ្នកឆ្លងនឹងកើនដល់៣៥១.៩៤៨នាក់នៅយ៉ាងយូរត្រឹមពាក់កណ្តាលខែក្រោយ។
លោកសាស្ត្រាចារ្យបានព្យាករណ៍ថា ក្នុងចំនួននេះជាង៥ម៉ឺននាក់នឹងដេកពេទ្យនិង១៧.៥៩៧នាក់នឹងឈឺធ្ងន់ដែលវានឹងហួសពីសមត្ថភាពសុខាភិបាលថៃអាចទ្រាំទ្របាន។ លោកក៏បានព្រមានថា មនុស្សម្រមាណ៧ពាន់នាក់អាចនឹងស្លាប់នៅថៃ។ លោកបានបន្ថែមថា ប្រទេសនិងដែនដីដែលបានអាចគ្រប់គ្រងការឆ្លងរាលដាលជម្ងឺនេះ គឺជប៉ុន កោះតៃវ៉ាន់ ហុងកុង និងសិង្ហបុរី។ដើម្បីរក្សាអោយប្រព័ន្ធសុខាភិបាលប្រទេសអាចព្យាបាលអ្នកជម្ងឺបាន ត្រូវទប់ការឆ្លងក្នុងស្រុកត្រឹម២០ភាគរយប្រចាំថ្ងៃហើយបើអាចធ្វើបាននោះចំនួនអ្នកឆ្លងត្រឹមពាក់កណ្តាលខែក្រោយមានត្រឹមតែ២៤.២៦៩នាក់ប៉ុណ្ណោះ។ លោកបានបញ្ជាក់ថា ការដាក់ខ្លួននៅដាច់ពីគេនឹងធ្វើអោយចំនួនឆ្លងធ្លាក់ចុះនៅក្នុងរង្វង់៤សប្តាហ៍។
ចំណែកលោក សូមផុន អៀមស៊ីរីថាវ៉ន នាយកនៃផ្នែកជម្ងឺឆ្លងថៃ បានព្រមានថា មនុស្សដល់ទៅ៤០០.០០០នាក់នឹងឆ្លងកូវីដ១៩នៅថៃក្នុងឆ្នាំនេះនិងឆ្នាំក្រោយ៕