- 2020-04-01 04:11:08
- ព័ត៌មាន
នាយករដ្ឋមន្ត្រីវៀតណាម ប្រាប់ពលរដ្ឋឲ្យត្រៀមស្បៀងទុក ករណីបិទក្រុងធំៗដោយសារវីរុស Covid-19
- 2020-04-01 04:11:08
- ចំនួនមតិ 0 | ចំនួនចែករំលែក 0
នាយករដ្ឋមន្ត្រីវៀតណាម ប្រាប់ពលរដ្ឋឲ្យត្រៀមស្បៀងទុក ករណីបិទក្រុងធំៗដោយសារវីរុស Covid-19
ចន្លោះមិនឃើញ
នាយករដ្ឋមន្ត្រីវៀតណាមកាលពីថ្ងៃអាទិត្យទី២៩មីនាបានស្នើឱ្យអាជ្ញាធរទីក្រុងហាណូយ និងទីក្រុងហូជីមីញពិនិត្យនិងធ្វើបច្ចុប្បន្នភាពនៃផែនការស្តីពីជម្ងឺកូវីត១៩ឡើងវិញដើម្បី “ធានាការត្រៀមខ្លួនសម្រាប់សេណារីយ៉ូបិទទីក្រុង” នេះបើយោតាមវេបសាយVnExpress។
នាយករដ្ឋមន្ត្រី លោក ង្វៀន សួន ហ្វុក បាននិយាយដូចនេះនៅកិច្ចប្រជុំតាមអនឡាញមួយស្តីពីការប្រយុទ្ធប្រឆាំងកូវីត១៩ ជាមួយក្រុមមេដឹកនាំនៃទីក្រុងធំៗចំនួន៥គឺ ទីក្រុងហាណូយ ក្រុងហូជីមិញ ក្រុងហាយហ្វុង ទីក្រុងដាណាំងនិង ទីក្រុងកាន់ថឺ ។ លោក ង្វៀន សួន ហ្វុកបានស្នើឱ្យទីក្រុងហាណូយនិង ទីក្រុងហូជីមីញធានាធនធាន ជាពិសេសស្បៀងអាហារសម្រាប់គ្រប់កាលៈទេសៈនិងដោះស្រាយយ៉ាងតឹងរឹងជាមួយនឹងពួកអ្នកទិញលក់ដែលដំឡើងថ្លៃស្បៀងអាហារនិងការផ្គត់ផ្គង់វេជ្ជសាស្ត្រ។ ដោយនិយាយថាប្រទេសវៀតណាមបានឈានដល់ដំណាក់កាលកំពូលនៃជំងឺរាតត្បាតកូវីត១៩ នោះ លោកង្វៀន សួន ហ្វុកបានស្នើឱ្យរដ្ឋបាលក្រុងទាំង ៥ នេះ បង្កើនការយកចិត្តទុកដាក់ និងទាញយកផលប្រយោជន៍ពីរាល់ម៉ោងនិងនាទី ដើម្បីអនុវត្តវិធានការដែលបានកំណត់ ” ។
លោក បាននិយាយថាទីក្រុងនានាគួរតែត្រៀមធនធានមនុស្សនិងការផ្គត់ផ្គង់ដើម្បីដោះស្រាយជាមួយបញ្ហាវីរុសក្នុងទ្រង់ទ្រាយធំការពារប្រជាជនកុំឱ្យដំណើរចេញពីតំបន់ផ្ទុះវីរុសនេះទៅតំបន់ផ្សេងទៀត និងត្រៀមខ្លួនជួយដល់តំបន់ផ្សេងទៀត ប្រសិនតំបន់ទាំងនោះមានការឆ្លងវីរុសច្រើន។ កាលពីថ្ងៃទី២៦ខែមីនា នាយករដ្ឋមន្ត្រីវៀតណាមបានស្នើឱ្យតំបន់នានានៅទូទាំងប្រទេសបញ្ឈប់ព្រឹត្តិការណ៍សង្គម ការប្រមូលផ្តុំជួបមនុស្សជាង២០នាក់ឡើងនៅកន្លែងណាមួយ និងការជួបជុំមានគ្នា១០នាក់ឬច្រើនជាងនេះនៅខាងក្រៅកន្លែងការងារ សាលារៀន និងមន្ទីរពេទ្យ ហើយ ការស្ថិតនៅឆ្ងាយពីគ្នា២ម៉ែត្រនៅទីកន្លែងសារធារណៈ។
រដ្ឋាភិបាលក៏បានស្នើសុំឱ្យបញ្ឈប់ការធ្វើអាជីវកម្ម “មិនចាំបាច់” លើកលែងតែហាងលក់អាហារ ឱសថស្ថាន និង ប្រេងឥន្ធនៈជរហូតដល់ថ្ងៃទី ១៥ ខែមេសា។ នៅវៀតណាម រហូតមកដល់ពេលនេះ មានករណីឆ្លងវិរុសចំនួន១៩៤នាក់ ដោយ២៥នាក់ក្នុងចំណោមអ្នកឆ្លងវីរុសទាំងអស់នេះ ត្រូវបានអនុញ្ញាតឱ្យចេញពីមន្ទីរពេទ្យបន្ទាប់ពីជាសះស្បើយ៕