• 2020-04-08 07:26:41
  • ព័ត៌មាន

មកដឹង ៥ វិធីរក្សាទុកអង្ករឲ្យបានយូរ មិនបាត់បង់គុណភាព

  • 2020-04-08 07:26:41
  • ចំនួនមតិ 0 | ចំនួនចែករំលែក 0

ចន្លោះមិនឃើញ

អាហារ គឺជាភាពចាំបាច់ និងជាតម្រូវការមូលដ្ឋានសម្រាប់មនុស្ស។ ក្នុង​អំឡុង​ពេល​មហន្ដរាយ​ផ្សេង​ៗ អង្ករ​អាច​ជា​អាហារ​ ដែល​មាន​តម្លៃ​សមរម្យ​មួយ និង​ជួយ​សម្រួល​បាន​ច្រើន​យ៉ាង​សម្រាប់​ការ​បរិភោគ​ប្រចាំ​ថ្ងៃ។ លើស​ពី​នេះ​ទៀត អង្ករ​ក៏​អាច​រក្សា​ទុក​បាន​យូរ​ជា​អាហារ​ផ្សេង​ៗ​ដូច​ជា​បន្លែ ផ្លែឈើ និង​សាច់​ជា​ដើម។ ប៉ុន្តែ​ដើម្បី​រក្សា​ទុក​អង្ករ​ឲ្យ​បាន​យូរ និង​រក្សា​គុណភាព​បាន​ល្អ ចាំ​បាច់​ត្រូវ​ពឹង​លើ​វិធីសាស្ត្រ​មួយ​ចំនួន។

ចង់​បាន​អង្ករ​ផ្កា​ម្លិះ​ប្រណីត ដាំ​ដុះដោយ​ធម្មជាតិ គុណ​ភាព​ល្អ​ឥត​ខ្ចោះ ដឹក​ដល់​ផ្ទះ​របស់​លោក​អ្នក​ចុច​ត្រង់​នេះ

ខាងក្រោមនេះ គឺជា៥ វិធីរក្សាទុកអង្ករឲ្យបានយូរ មិនបាត់បង់គុណភាព ៖

១. បញ្ហាសត្វល្អិតចង្រៃ

អង្គរគឺជាអាហារគ្រាប់ធញ្ញជាតិដែល​មានរឿងមួយត្រូវព្រួយបារម្ភនៅពេលរក្សាទុកក្នុងរយៈពេលយូរ គឺ​បញ្ហា​សត្វល្អិត​ចង្រៃ។ ខុស​ប្លែក​ពី​អាហារ​ដទៃ អង្ករ​ត្រូវ​ការ​ខ្យល់​ចេញ​ចូល​ល្អ​ដើម្បី​កុំ​ឲ្យ​ខូច​គុណ​ភាព។ លើស​ពី​នេះ​ការ​រក្សា​ទុក​អង្ករ​នៅ​កន្លែង​បិទ​ជិត និង​ក្ដៅ​ពេក​អាច​បណ្ដាល​ឲ្យ​សត្វ​ល្អិត​ងាយ​ពង​ដាក់ ដោយ​សារ​អង្ករ​បែក​ញើស​ខ្លាំង​ធ្វើ​ឲ្យ​មាន​សំណើម។.

២. រយៈ​ពេល​នៃ​ការ​រក្សា​ទុក

គ្រាប់​ធញ្ញជាតិ​ភាគ​ច្រើន​អាច​រក្សា​ទុក​បាន​យូរ​បំផុត​ត្រឹម​ពីរ​ឆ្នាំ​ប៉ុណ្ណោះ ប៉ុន្តែ​សម្រាប់​អង្ករ​វិញ​អាច​រក្សា​ទុក​យូរ​បំផុត​រហូត​ដល់ ១០​ឆ្នាំ​ប្រសិន​បើ​គ្រប់​លក្ខណៈ​របស់​វា។ ការ​រក្សា​អង្ករ​ឲ្យ​មាន​គុណភាព​ល្អ​ក្នុង​លក្ខណៈ​របស់​វា តម្រូវ​ឲ្យ​មាន​សីតុណ្ហភាព ២១​អង្សា​ឬ​ក្រោម​នេះ និង​មាន​ខ្យល់​ចេញ​ចូល​ល្អ។

៣. ធុងសម្រាប់ដាក់អង្ករ

ការ​ដាក់​អង្ករ​នៅ​ក្នុង​ធុង​ប្លាស្ទិក គឺ​ជា​រឿង​ប្រសើរ​ប៉ុន្តែ​មិន​ត្រូវ​គ្រប​មាត់​ធុង​ជិត​ឈឹង​គ្មាន​ខ្យល់​ចេញ​ចូល​ពេក​ទេ។ ការ​រក្សា​ទុក​អង្ករ ត្រូវ​ជ្រើស​រើស​ប្រភេទ​ធុង​ណា​ដែល​អាច​ស្រូប​យក​ខ្យល់​អុកស៊ីសែន​បាន​ល្អ​ដើម្បី​កុំ​មាន​សំណើម​ក្នុង​អង្ករ ដែល​បណ្ដាល​ឲ្យ​កើត​រោគ​ផ្សិតផ្សេង​ៗ។

៤. កញ្ចប់ស្រូបសំណើម

នៅ​ក្នុង​ធុង​ដាក់​អង្ករ គួរ​តែ​មាន​កញ្ចប់​ស្រូប​សំណើម ២-៣ ដើម្បី​ស្រូប​យក​សំណើម​បាន​ល្អ និង​កុំ​ឲ្យ​មាន​រោគ​ផ្សិត។ ប្រសិន​បើ​អង្ករ​មាន​សំណើម​ខ្លាំង​ពេក នោះ​វា​នឹង​ធ្វើ​ឲ្យ​ការ​រក្សា​ទុក​មិន​បាន ហើយ​ឆាប់​ខូច​គុណភាព។

៥. ការសម្អាត និងអនាម័យ​ធុង

ធុង​ដាក់​អង្ករ​ស្អាត និង​​មាន​អនាម័យ​ល្អ គឺ​ជា​រឿង​ចាំ​បាច់​សម្រាប់​រក្សា​ទុក​អង្ករ​ឲ្យ​បាន​យូរ។ ប្រសិន​បើ​ធុង​មាន​ប្រឡាក់​ជាប់​ដី នោះ​អង្ករ​នឹង​ស្រូប​យក​ពី​វា​ហើយ​ធ្វើ​ឲ្យ​មាន​ក្លិន​មិន​ល្អ។ លើស​ពី​នេះ​ទៀត នៅ​ពេល​ដែល​យក​អង្ករ​មក​ដាំ វា​នឹង​ធ្វើ​ឲ្យ​ផ្លាស់​ប្ដូរ​រស​ជាតិ​ថែម​ទាំង​គុណភាព​បាយ​មិន​ល្អ​ទៀត​ផង៕

ចង់​បាន​អង្ករ​ផ្កា​ម្លិះ​ប្រណីត ដាំ​ដុះដោយ​ធម្មជាតិ គុណ​ភាព​ល្អ​ឥត​ខ្ចោះ ដឹក​ដល់​ផ្ទះ​របស់​លោក​អ្នក​ ចុច​ត្រង់​នេះ

អត្ថបទ ៖ Seven

មតិយោបល់