• 2020-04-28 06:47:35
  • ព័ត៌មាន

ស្ថានទូតម៉ាឡេស៊ីប្រចាំនៅកម្ពុជា ចូលរួមទប់ស្កាត់ជំងឺកូវីដ១៩

  • 2020-04-28 06:47:35
  • ចំនួនមតិ 0 | ចំនួនចែករំលែក 0

ចន្លោះមិនឃើញ

ស្ថានទូតម៉ាឡេស៊ីប្រចាំនៅកម្ពុជា បានធ្វើសកម្មភាព ទៅកាន់បណ្ដាស្ថាប័ននានានៅកម្ពុជា ដែលកំពុងប្រយុទ្ធប្រឆាំងនឹងជំងឺកូវីដ១៩ ហើយឯអគ្គរាជទូតម៉ាឡេស៊ី ប្រចាំនៅក្រុងភ្នំពេញ ក៏បានកោតសរសើរអំពីវិធានការនានា របស់រាជរដ្ឋាភិបាលកម្ពុជា ដែលធ្វើការទប់ស្កាត់ជំងឺកូវីដ១៩ បានប្រសិទ្ធិភាពខ្ពស់។

កាលពីព្រឹកថ្ងៃទី ២៨ ខែមេសា ឆ្នាំ២០២០ ឯកអគ្គរាជទូតម៉ាឡេស៊ី ប្រចាំនៅកម្ពុជា លោក Eldeen Husaini Bin Mohd Hashim បានដឹកនាំក្រុមការងារយកអំណោយមួយចំនួន ទៅកាន់មន្ទីរពេទ្យគន្ធបុប្ផា ជិតវត្តភ្នំ ដើម្បីបង្ហាញពីទឹកចិត្ត និងការយកចិត្តទុកដាក់ ចូលរួមទប់ស្កាត់ជំងឺកូវីដ១៩ នៅកម្ពុជា។

​នេះជាផ្នែកកមួយនៃកម្មវិធី “យើងយកចិត្តទុកដាក់ យើងចែករំលែក” ដែលផ្តួចផ្តើឡើងដោយស្ថានទូតម៉ាឡេស៊ីប្រចាំព្រះរាជាណាចក្រកម្ពុជា​និង ក្រុមប្រឹក្សាផ្សព្វ​ផ្សា​យទេសចណ៍ម៉ាឡេស៊ី។​ នេះជាការលើកឡើងរបស់ លោកឯកអគ្គរាជទូតម៉ាឡេស៊ី ប្រចាំនៅកម្ពុជា។

លោកឯកអគ្គរាជទូត ក៏បានកោតសរសើរជំពោះរាជរដ្ឋាភិបាល នៃព្រះរាជាណាចក្រកម្ពុជា ចំពោះ​វិធីសាស្រ្តនិងគោលនយោបាយនានា ដែល​កំពុងតែអនុវត្តក្នុង​ការដោះ​ស្រាយ​នូវ​មេរោគរាត​ត្បាត​មួយនេះទាន់ពេលវេលា។

គិតត្រឹមថ្ងៃទី២៨ ខែមេសានេះ ប្រទេសកម្ពុជា មានអ្នកឆ្លងជំងឺកូវីដ១៩ ចំនួន ១២២ នាក់ ក្នុងនោះបានព្យាបាលជាសះស្បើយសរុបចំនួន ១១៩នាក់ ដែលធ្វើឲ្យតួលេខអ្នកកំពុងព្យាបាលនៅសល់ចំនួន ៣នាក់ប៉ុណ្ណោះ ហើយរយៈពេលជាង ២សប្ដាហ៍មកនេះ ប្រទេសកម្ពុជាមិនមានករណីវិជ្ជមានថ្មី នៃវីរុសកូវីដ១៩ នោះទេ។

កាលពីថ្ងៃទី ២៧ ខែមេសា ម្សិលមិញនេះ ស្ថានទូតម៉ាឡេស៊ីប្រចាំនៅកម្ពុជា បានយកអំណោយមួយចំនួន ចែកជូនដល់ មជ្ឈមណ្ឌលជាតិផ្តល់ឈាម​ ហើយនៅព្រឹកនេះ បានយកអំណោយទៅកាន់មន្ទីរពេទ្យគន្ធបុប្ផា វត្តភ្នំ និងនៅរសៀលថ្ងៃនេះ គ្រោងទៅកាន់វិទ្យាស្ថានជាតិប៉ាស្ទ័រ ៕

អត្ថបទ៖ ប៊ិន ប៊ុណ្ណា

មតិយោបល់