/5ea85274b2e52_1588089420_medium.jpg)
- 2020-04-29 01:09:05
- ព័ត៌មាន
ពេទ្យជំនាញ ប្រកាសអាសន្នឲ្យប្រយ័ត្នរោគសញ្ញានេះ បើចេញលើក្មេងៗអាចទាក់ទងនឹង Covid-19
- 2020-04-29 01:09:05
- ចំនួនមតិ 0 | ចំនួនចែករំលែក 0
ពេទ្យជំនាញ ប្រកាសអាសន្នឲ្យប្រយ័ត្នរោគសញ្ញានេះ បើចេញលើក្មេងៗអាចទាក់ទងនឹង Covid-19
ចន្លោះមិនឃើញ
ប្រធានសេវាសុខាភិបាលជាតិអង់គ្លេស (NHS) សាស្ត្រាចារ្យ Stephen Powis បានប្រកាសអាសន្នឲ្យក្រុមគ្រូពេទ្យជំនាញទាំងអស់ យកចិត្តទុកដាក់តាមដានរោគសញ្ញាថ្មី ក្រោយពេលក្មេងជាច្រើននាក់ត្រូវបានបញ្ជូនទៅកាន់ផ្នែក ICU។
ការប្រកាសអាសន្ននេះ ត្រូវបានធ្វើឡើងក្រោយពេលដែលក្មេងៗជាច្រើននាក់ ត្រូវបានរាយការណ៍ថាធ្លាក់ខ្លួនឈឺដោយចេញរោគសញ្ញាថ្មីដូចជារលាកក្រពះ និងឈឺបេះដូងធ្ងន់ធ្ងរដែលអាចបណ្តាលឱ្យស្លាប់ ហើយទំនងជាទាក់ទងនឹង Covid-19។ លោកសាស្ត្រាចារ្យបន្ថែមថា "ក្នុងរយៈពេលបីសប្តាហ៍ចុងក្រោយនេះ មានការកើនឡើងយ៉ាងច្រើននៃចំនួនក្មេងៗដែលចេញរោគសញ្ញារលាកប្រព័ន្ធផ្សេងៗក្នុងរាងកាយ ដែលទាមទារឱ្យមានការយកចិត្តទុកដាក់ខ្ពស់នៅទូទាំងទីក្រុងឡុងដ៍ និងនៅតាមតំបន់ផ្សេងទៀតនៃចក្រភពអង់គ្លេស។ ខ្ញុំបានស្នើ ឲ្យ ប្រធានគ្លីនិកជាតិសម្រាប់កុមារ និងយុវជនទាំងអស់ឲ្យពិនិត្យបញ្ហានេះជាបន្ទាន់។”
នៅក្នុងលិខិតព្រមានដែល NHS បានផ្ញើទៅកាន់គ្រូពេទ្យជំនាញទាំងអស់ បញ្ជាក់ថាក្នុងចំណោមក្មេងៗទាំងអស់ដែលចេញរោគសញ្ញានេះ ក្នុងនោះមួយចំនួន បានធ្វើតេស្ដរកឃើញវិជ្ជមានកូវីដ១៩។ បើទោះបីជាក្មេងផ្សេងទៀត រកឃើញអវិជ្ជមានកូវីដ១៩ ក្រោយចេញរោគសញ្ញាខាងលើក្ដី នេះទំនងជាសញ្ញាដំបូងនៃការឆ្លងវីរុស។ ក្រៅពីសញ្ញាពីរខាងលើ NHS ក៏បានឲ្យដឹងថាការឈឺពោះ និងសញ្ញារលាកក្រពះពោះវៀន ក៏ជាសញ្ញាទូទាំងដែលត្រូវបានរកឃើញលើក្មេងៗផងដែរ។
យ៉ាងណាមិញ មិនទល់ពេលនេះ គេនៅមិនទាន់ដឹងថាតើក្នុងចំណោមក្មេងៗដែលបានចេញរោគសញ្ញាខាងលើ បានស្លាប់ឬយ៉ាងណានោះទេ ខណៈដែលក្រុមគ្រូពេទ្យជំនាញកំពុងធ្វើការតាមដានបន្ដទៀត៕
