- 2020-04-30 06:04:09
- ព័ត៌មាន
ភ្ញាក់ផ្អើល! ជប៉ុនរងគ្រោះដោយសាររលកទី២នៃកូវីដ១៩ ក្រោយបើកក្រុងឡើងវិញជិត ១ខែ
- 2020-04-30 06:04:09
- ចំនួនមតិ 0 | ចំនួនចែករំលែក 0
ភ្ញាក់ផ្អើល! ជប៉ុនរងគ្រោះដោយសាររលកទី២នៃកូវីដ១៩ ក្រោយបើកក្រុងឡើងវិញជិត ១ខែ
ចន្លោះមិនឃើញ
កោះមួយរបស់ប្រទេសជប៉ុន បានរងគ្រោះដោយសារការវាយប្រហារពីរលកទី ២នៃមេរោគឆ្លងកូវីដ ១៩ ក្រោយពេលដែលបញ្ចប់ការបិទទីក្រុងត្រឹម ២៦ថ្ងៃ។
កោះហុកកៃដូដែលស្ថិតនៅភាគខាងជើងប្រទេសជប៉ុន បានចាប់ផ្ដើមបើកក្រុងឡើងវិញកាលពីថ្ងៃទី ១៩ខែមីនាកន្លងទៅ ដែលអនុញ្ញាតឲ្យអាជីវកម្ម និងសាលារៀនដំណើរការឡើងវិញ។ ការបើកក្រុងឡើងវិញនេះ ធ្វើឡើងក្រោយពេលដែលចំនួនអ្នកឆ្លងវីរុសធ្លាក់ចុះមកនៅត្រឹម ១-២ករណីប៉ុណ្ណោះក្នុងមួយថ្ងៃ។ ប៉ុន្តែរឿងនឹកស្មានមិនដល់ ការបើកក្រុងឡើងវិញត្រឹមរយៈពេល ២៦ថ្ងៃ បានបណ្ដាលឲ្យប្រជាជននៅលើកោះរងគ្រោះដោយសាររលកទីពីរ។
យោងតាមអាជ្ញាធរក្នុងតំបន់ឲ្យដឹងថា ក្រោយការបញ្ចប់ការបិទទីក្រុង ចំនួនអ្នកឆ្លងថ្មីបានកើនឡើងវិញដល់ ១៣៥ករណីក្នុងរយៈពេល ១សប្ដាហ៍។ លោកវេជ្ជបណ្ឌិត Kiyoshi Nagase ប្រធានសមាគមវេជ្ជសាស្ត្រទនៃកោះហុកកៃដូបានប្រាប់សារពត៌មាន TIME ថា “ ឥឡូវនេះខ្ញុំសោកស្តាយណាស់ ដែលយើងមិនគួរបន្ធូរស្រាលស្ថានភាពអាសន្នដំបូងឡើយ។" lលោកវេជ្ជបណ្ឌិតបន្ថែមថា "វាប្រហែលជាទាល់តែឆ្នាំក្រោយ ទើបយើងអាចបញ្ចប់ការបិទទីក្រុងដោយសុវត្ថិភាព។”
មកទល់ពេលនេះ ប្រទេសជប៉ុន បានរាយការណ៍ករណីឆ្លងវីរុសកូវីដ១៩សរុបចំនួន ១៣ ៩៦៥នាក់ ដោយក្នុងនោះមានអ្នកស្លាប់ ៤២៥នាក់ និងព្យាបាលជាសះស្បើយ ២ ៣៦៨នាក់៕