អស់មន្ទិល! គីម ជុងអ៊ុនស្រាប់តែលេចមកធ្លោ ក្រោយបាត់ខ្លួនជិត៣ សប្ដាហ៍ គេសង្ស័យថាស្លាប់

2020-05-03 03:54:45
ព័ត៌មាន

2020-05-03 03:54:45
ចំនួនមតិ 0 | ចំនួនចែករំលែក 0

ចន្លោះមិនឃើញ

មេដឹកនាំកូរ៉េខាងជើងលោកគីម ជុងអ៊ុន បានបង្ហាញខ្លួនជាសាធារណឡើងវិញលើកដំបូងបង្អស់ ក្រោយបាត់មុខអស់រយៈពេលជិត ៣សប្ដាហ៍ដែលបណ្ដាលឲ្យមានពាក្យចចាមអារាមថាលោកបានស្លាប់បាត់ទៅហើយ។

យោងតាមសារព័ត៌មានក្នុងតំបន់ឲ្យដឹងថា លោក គីមជុងអ៊ុន បានបង្ហាញខ្លួនឡើងវិញនៅក្នុងពិធីសម្ពោធរោងចក្រជីនៅជិតទីក្រុងព្យុងយ៉ាងកាលពីថ្ងៃសុក្រកន្លងទៅ។ ទីភ្នាក់ងារព័ត៌មានកណ្តាលរបស់កូរ៉េខាងជើង រាយការណ៍ថាលោកគីម បានទៅចូលរួមពិធីខាងលើជាមួយមន្ត្រីជាន់ខ្ពស់ជាច្រើនរូប រួមទាំងប្អូនស្រីរបស់ខ្លួននៅខេត្ត Sunchon។ តាមប្រភពឲ្យដឹងថា មេដឹកនាំរូបនេះ មិនបានបង្ហាញអាការមិនស្រួលណាមួយនោះឡើយ ដោយលោកមានសុខភាពល្អថែមទាំងបង្ហាញស្នាមញញឹមយ៉ាងស្រស់ស្រាយទៀតផង។

ការបង្ហាញខ្លួននេះ បានធ្វើឡើងក្រោយពេលដែលពាក្យចចាមអារាមជុំវិញសុខភាពរបស់លោកគីមជុងអ៊ុន កាន់តែមានសម្ទុះខ្លាំងឡើង ហើយប្រព័ន្ធផ្សព្វផ្សាយនៅអាស៊ីជាច្រើន អះអាងថាលោកបានទទួលមរណភាពហើយ។ ថ្មីៗនេះ លោកគីម ជុងអ៊ុនបានខកខានពិធីអបអរសាទរខួបកំណើតជីតារបស់ខ្លួននៅថ្ងៃទី ១៥ ខែមេសា ដែលបានធ្វើឱ្យមានការសង្ស័យអំពីស្ថានភាពសុខភាពរបស់មេដឹកនាំក្រុងព្យុងយ៉ាងរូបនេះ។ របាយការណ៍មួយចេញកាលពីថ្ងៃអង្គារ បានឲ្យដឹងថាលោក គីម ជុងអ៊ុន បានធ្វើការវះកាត់សរសៃឈាមបេះដូងដែលជាហេតុខកខានក្នុងពិធីដ៏សំខាន់៕